Известные библейские стихи из Yoane 15

Поделиться

“Nene mutingi namwe mwemwe misambo. Wino wensi wikala munondi, nga nani munoli, wene akaseeka vizao vingi. Pano mutangacita cimwi kwaula nene.

Ikalini munondi nani munomuli. Musambo utangaseeka vizao onga ndi utailundinye ku mutingi. Mu musango uli onga namwe kwene mutangaseeka vizao suka ndi mwikala munondi.

Ndi mwikala munondi nga na mazwi yane ikala munomuli, lyene mulalenga consi cino mukulonda nga naco cilapelwa kunomuli.

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

Pasi kutemwa kwa muntu ukwaluta kuu, ukuti umuntu aipeele kufwila yacuza yakwe.

Tata akasisya misambo yonsi muli nene ino isyaseeka vizao, nga yonsi ino ikaseeka, yene akaitungwila kuti izifiwe nu kuseeka vizao vingi.

Lii lili sunde lyane lyakuti mutemwane ndi vino nemo namutemwa.

Tata akalumbanyiwa ndi mukuseeka vizao vingi. Mu musango ndi uu, mulaya alondezi yane mu cumi.

“Nene mutingi wa cumi na Tata ali mulimi.

Wino wensi asyaikala munondi wene alasumbwa wa musambo nu kunyala. Antu yakakolonganika misambo ndi vino uu, yaisumba mu moto, muno ikapya.

“Nati munena vintu vii kuti muye mu luzango ndi luno nkweti, na kuti luzango lwinu luye lufumaluke.

Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.

Lyene, lii lili sunde lino namupeela ilyakuti mutemwane.

Ndi mwemo muya amu nsi, nga amu nsi yamutemwa wa antu yao. Lelo mwemo namusolwile kufuma mu nsi ii. Mwemo musi amu nsi, caleka amu nsi yamupata.