Известные библейские стихи из پێدایش 25

Поделиться

هُداوندا گوَشت: ”دو راج تئیی لاپا اِنت. دو کئوم چه تئیی لاپئے تها سِدیت. یکّ راجے چه دومیا زۆرمندترَ بیت و مسترێن، کَسترێنئے هِزمتا کنت.“

گۆن آکوبا گوَشتی: ”چه اے سُهرێن نارُشتان تُشے دئے گُلُمبان، چه اے سُهرێنان، که منا شُدا کُشت.“ پمێشکا ایسّواِش اِدوم هم گوَشت.

اِساکئے لۆگی سَنٹ و بےائولاد اَت و پمێشکا اِساکا په وتی لۆگیا چه هُداوندا دْوا لۆٹت. هُداوندا آییئے دْوا گۆش داشت و اِساکئے لۆگی رِبِکّائے لاپ پُرّ بوت.

ایسّوا گوَشت: ”منا شُدا کُشت، پێدائِشی هَکّ منی چِه کارا کئیت؟“ آکوبا گوَشت: ”پێسرا گۆن من سئوگِند بوَر.“ گڑا آییا سئوگِند وارت و وتی پێدائِشی هَکّی آکوبئے کِرّا بها کرت.

رندا آییئے برات پێدا بوت و پێدا بئیگئے وهدا ایسّوئے پادئے پونزی داشتگ‌اَت. اے چُکّئے نامِش آکوب کرت. وهدے رِبِکّایا اے جاڑ آورتنت، اِساکا شست سال اَت.

اِساکا ایسّو دۆست‌تر اَت که شکارئے گۆشتانی تامی وشَّ بوت. رِبِکّایا آکوب دۆست‌تر اَت.