Soma Biblia Kila Siku 10/2024Sample

Katika historia ya wokovu, Mungu alimtoa mwanawe kuwa dhabihu iliyo bora zaidi ya zote zilizotangulia kutolewa. Hapana jambo jingine liwezalo kutusaidia kama tusipoijali dhabihu hiyo na kuacha kuupokea wokovu wa Yesu. Maana tutapata wapi dhabihu nyingine ya kuondoa dhambi zetu na kutupatanisha na Mungu? Imebaki hukumu ya kutisha tu.Twamjua yeye aliyesema, Kupatiliza kisasi ni juu yangu, mimi nitalipa. Na tena, Bwana atawahukumu watu wake. Ni jambo la kutisha kuanguka katika mikono ya Mungu aliye hai(m.30-31). Maana tumeshasoma katika m.26 kwambatukifanya dhambi kusudi baada ya kuupokea ujuzi wa ile kweli, haibaki tena dhabihu kwa ajili ya dhambi. Lakini yule anayetaka kuiacha dhambi aliyotenda na kumtafuta Yesu ili asamehewe na kukubaliwa kuishi naye, asiogope kwamba amefanya dhambi kusudi.