Die vrede van God

Here, U ken die snellers wat my paniek sonder waarskuwing die hoogte laat inskiet. My hart klop in my keel en dit is moeilik om asem te haal. Malende gedagtes maak dit onmoontlik om helder te dink en my probleme te hanteer. Wanneer vrees ’n houvas op my kry, voel dit of ek wil oorreageer, baklei, in trane uitbars of weghardloop. Dit lyk onmoontlik om my gevoel van vrede te herstel.

Tog, Here, is U gereed om my enige oomblik te ontmoet. Leer my om op u Woord te fokus wat u konstante vrede, krag en liefde belowe. Lei my om te bid omdat U my hoor wanneer ek in moedeloosheid na U uitroep (Psalm 55:18). Bring die Gees se vrug van vrede in my hart sodat ek sterk kan staan in die aangesig van moeilikheid. U is my vertroosting en vreugde.

Amen.