Lig in die donker

Here, dit maak nie saak in watter rigting ek draai nie – ek sien net pyn. Hartseer en frustrasie het my emosies oorgeneem, terwyl lag en vreugde soos ’n herinnering uit die verre verlede voel. Ek is bang ek sal só laag sink of so diep seerkry dat ek nooit weer sal herstel nie. Ek wonder of my stryd my eensaam en gebroke sal laat.

U – en slegs U – is die lig in my duisternis. Niks wat ek ervaar, is ’n geheim vir U nie. Geen probleem is te groot vir U om op te los nie, en niks kan my vir U wegsteek nie. Ek vertrou dat U na my soek, my sal vind en my na “oop ruimtes” (2 Samuel 22:20) van veiligheid en vrede sal dra. Ek vertrou dit sal weer goed gaan met my omdat U my liefhet.

Amen.