Siek en seer

Here, swaar emosies eis ook hul tol op my liggaam. Moegheid rem my af. Seer en pyn steel my gemak. Onderbroke slaap maak my net meer gespanne en voeg stres en moeite by my dae. Ek wil so graag met vryheid en energie rondbeweeg eerder as om te voel hoe my kragte wegsypel. My fisieke beperkings voel soos ’n hindernis voor ’n vol, betekenisvolle lewe.

Dankie dat U nader aan my beweeg in my swakheid. Al voel dit of ek op die oomblik skaars kan regop staan, hou ek vas aan u belofte om my krag te vernuwe sodat ek hoog kan vlieg soos ’n arend (Jesaja 40:31). Lawe my seer spiere en gee my herstellende slaap. Gee my verstand en liggaam nuwe energie. Bring u krag tot volle verwesenliking in my swakheid soos net U dit kan doen (2 Korintiërs 12:9).

Amen.