FCA 365 Өдрийн Чимээгүй ЦагSample

АГУУ АЖЛЫГ ХИЙХ НЬ

Билл Бүрнет

Тиймээс хайрт ах дүү нар минь, та нарын зүдрэл зүтгэл Эзэн дотор хоосон биш
гэдгийг мэдэж, тууштай байж, гуйвж дайвалгүй,
Эзэний үйл хэргээр үргэлж бялхаж бай.
- 1 Коринт 15:58

Дасгалжуулагч Жоүнсийн баг хожих өндөр магадлалтай хоёр ч тоглолтдоо ялагдсан
ч чононууд өөрчлөлтийн төлөө ульсаар байв. Дасгалжуулагч Жоүнс сэтгэл дундуур
байснаа урам хугарч, хүндхэн байдалд оров. Яг тэр үед нэг найз нь түүн дээр ирээд Самуэл
Жонсоны үгнээс эш татан, “Агуу их ажлыг хүч тэнхээгээр биш, харин шаргуу хөдөлмөрөөр
бүтээдэг” гэж хэлээд, дээр нь “Чи хөлбөмбөгөөс ч илүү агуу ажил хийж байгаа. Бусдын үгэнд
бүдэрч болохгүй” гэжээ. Дасгалжуулагч Жоүнсийн найз элч Паулын бичсэнээр “Тиймээс
хайрт ах дүү нар минь, та нарын зүдрэл зүтгэл Эзэн дотор хоосон биш гэдгийг мэдэж,
тууштай байж, гуйвж дайвалгүй, Эзэний үйл хэргээр үргэлж бялхаж бай” (1 Коринт 15:58)
хэмээн хэлжээ. Эдгээр ухаалаг үгс дасгалжуулагч Жоүнсийн харах өнцгийг шинэчилж, сүнс
болон сэтгэл хөдлөлийн айдсаас чөлөөлжээ.
Бидний хийж буй дасгалжуулагчийн ажил бол зөвхөн Баасан гарагийн оройны ажил
биш. Үнэндээ бидний хийж буй агуу ажлын ихэнхийг бусад хүмүүс тэр бүр харж, мэдэж
чаддаггүй. Харин өөрийгөө Бурханд зориулж байгаа, Бурханы хүсэлд захирагдаж, хийж
байгаа ажлаа Түүнд бэлэг болгон өргөж байгаа хүмүүсийг Бурхан мэддэг бөгөөд тэднийг
харж, дэмждэг. (2 Шастир 16:10)
Бурханы төлөөх тууштай зүтгэл маань хэзээ ч талаар болохгүй гэдгийг мэдэх нь үнэхээр
сайхан. Тэр бидний үйлчлэлийг хүлээн авч, Өөрийн зорилгын төлөө ашигладаг. Түүний
нигүүлсэл биднийг хүчирхэгжүүлж, Бурханд бэлэг болгон өгч байгаа сайн үйлсээ тууштай
хийхэд маань тусалж байгаа нь биднийг урамшуулж байна.

1.Та сэтгэл хөдлөл эсвэл сүнсний хувьд айдаст автаж байсан уу? Хэрвээ тийм бол
Бурханы үг хэрхэн таныг урамшуулсан бэ?
2.Та дасгалжуулагчийн үүргээ Их Эзэний төлөөх ажил, Бурханд өргөж буй бэлэг гэж
харж чадах уу? Энэ үзэл бодол нь ялалт болон ялагдлын талаарх таны бодлыг хэрхэн
өөрчилж байна вэ?
3.Нэмэлтээр унших: 1 Коринт 16:9, Ефес 2:10, Колоссай 3:23-24

Эзэн минь, намайг дуудсан ажлыг тань том зургаар нь харахгүйгээр, өөртөө хамаарах
жижиг ажил мэт харах гээд байх юм. Тууштай байхад минь туслаач. Амен.