FCA 365 Өдрийн Чимээгүй ЦагSample

ЗҮРХ СЭТГЭЛИЙН
БҮРЭН БҮТЭН БАЙДАЛ

Рожер Д.Лайп

Бурхан минь, Та хүний зүрхийг тэнсэн үзэж, чигч шударгыг таалан соёрхдог гэдгийг
би нэгэнт мэдэв. Би чин үнэнч зүрхээрээ энэ бүх зүйлийг дуртайяа өргөсөн юм.
Гэтэл одоо энд байгаа Таны ард түмэн Танд дуртайяа өргөж байгааг би
баяртайгаар харлаа.
- 1 Шастир 29:17

Энэ эшлэлийг бичихдээ Соломон амьдралынхаа хамгийн агуу үеийг туулж байв. Баян
чинээлэг амьдрал, гайхам сайхан амжилттүүний өдөр тутмын амьдралын нэг хэсэг
байв. Ийм үедээч тэрээр соригдож байснаа хэлжээ.Бурхан үнэнч бөгөөд шулуун шудрага
байдалд баярладаг гэдгийг Соломон мэдэж байсан бөгөөд эдгээр чанаруудыг дагаж мөрддөг
байв.
Сэтгэл зүрхэндээ бүрэн дүүрэн, чигч байх нь шулуун шударга байна гэсэн үг. Бид ийнхүү
чигч, шудрагаар дасгалжуулдаг уу?Хамгийн хэцүү өдрүүддээ ч шулуун шударга байдаг уу?
Амжилт, аз жаргал дүүрэн өдрөө миний хандлага ямар байдаг вэ? Бидний зарим нь муу
өдрүүдээр, зарим нь сайн өдрүүдээр шалгагддаг.Зарим нь олон дараалсан ялагдлаар, зарим
нь аваргын цомоор шалгагддаг.
Өнөөдөр бид тэмцээнд орохдоо Соломоныүлгэр дууриалыг дагацгаая. Бурханд бүхнээ
зориулан залбирцгаая. Бид зүрх сэтгэлдээ шудрага байж, байгаа бүхнээ Бурханд өгөхөд Тэр
баярладаг. Ингэснээр тэмцээний өдөр маань гайхалтай байх бөгөөд Христийн дотор бид
илүү их баяр хөөр амсах болно.

1.Бурхан хэзээ таны зүрх сэтгэлийг шалгаж байгаа юм шиг санагддаг вэ? Ялагдах үед
үү? Энэ нь таныг өвтгөж магадгүй юм.
2.Амжилт хэзээ таны хувьд сорилт болдог вэ? Энэ үед таны зан чанар хэр бат байдаг
вэ?
3.Нэмэлтээр унших: 1 Шастир 29:14–19; Марк 14:1–11

Аав аа, миний зүрх сэтгэлийг туршиж, зан чанарыг минь батлаач. Тамирчдаа зүрх
сэтгэлээрээ дасгалжуулахад надад туслаач. Надад амжилт ба бүтэлгүйтэлд мэргэн
ухаанаар, шударгаар хандахад туслаач.Амен.