FCA 365 Өдрийн Чимээгүй ЦагSample

ЭЦСИЙН ЗОРИЛГО

Майкл Хилл

Ингэснээр би Христийг болон Түүний амиллын хүчийг таньж, зовлонгоос нь
хуваалцан, Түүний үхэлд Түүнтэй адилхан болгогдоод,
үхэгсдээс амилуулагдмаар байна.
— Филиппой 3:10-11

Дасгалжуулагч бүр тоглогчдоо хувийн болон багтаа зориулсан зорилго тавихыг уриалдаг.
Үүнийг дадал болгон суулгахын тулд тэмдэглэл хөтлөх юм уу, жагсаалт гаргах хэрэгтэй.
Агуу элч Паулд ч гэсэн зорилго байсан бөгөөд үүнийхээ нэгийг Филиппой чуулганд бичсэн
захидалдаа тэмдэглэсэн байдаг. Паулын зорилго бол Есүсийг илүү сайн мэдэх байв. Хэрэв
бид Паулын зорилгыг өөрсдөдөө болон тамирчдынхаа өмнө тавьбал ямар үр дүн гарах
бол? Хэрэв бид “түүний зовлонг хуваалцах нөхөрлөлийг” мэддэг байсан бол, бидний ажлын
өдөр тутмын бэрхшээл, бүтэлгүйтсэн харилцаанаас үүдэлтэй шаналал, эсвэл өдөр тутамд
тохиолддог эмгэнэлт явдлууд тэсэхийн аргагүй юм шиг санагдах уу?
Христийг мэдэх нь Паулын зорилго байсан. Учир нь тэр аймшигт харанхуйн оршихуйгаас
аврагдаж, Бурханы өршөөлийн гэрэлд орж ирсэн юм. Тэрээр загалмай дээрх үхлийн үнэ
цэнээр чөлөөлөгдөж, амилсан Эзэн Есүстэй уулзсан юм. Үр дүнд нь Паул Аврагчаа илүү
сайн мэдэхийг хүсэж байв.
Есүсийг гэсэн түүний их хайр биднийх ч байж болох юм. Хэрэв бид багийнхаа гүйцэтгэлийг
сайжруулах зорилго тавьсан бол яагаад Есүс Христтэй харилцаагаа сайжруулах зорилго
тавьж болохгүй гэж? Бид өөрсдөдөө болон багтаа зорилго тавихдаа, үүнийгээ хэр биелүүлж
байгаагаа тогтмол үнэлдэг шигээ өөрсдийгөө Бурханы хайрын гэрэлд авч ирэн, дотроо
байгаа Түүний хүчийг эргэн санаж, өөрсдийн сүнслэг зорилгоо мөн адил бататгаж чадна.

1.Таны зорилго юу вэ?
2.Таны зорилгын хэд нь Бурхантай харилцах харилцаа байдаг вэ?
3.Бурхантай улам ойртохын тулд та өнөөдөр юу хийж чадах вэ?
4.Нэмэлтээр унших: Дуулал 51; Үйлс 9: 1-31; Филиппой 1: 27–29; 1 Тимот 1: 12–17

Эзэн минь, Өөрийнхөө ажлыг хийлгэхээр миний өмнө нээсэн хаалгаар тань алхан орж
байхад намайг та Өөртөө ойртуулаач. Христийн талаар илүү сайн мэдэж, Түүний
төлөө, Түүний нигүүслийг хүмүүст ойлгуулахад надад туслаач. Амен.