Spreuke – eenjaarleesplanSample

Spreuke besing die lof van ’n knap vrou teenoor een wat skande maak. Die een bou haar man op. Sy is vir hom soos ’n kroon. Die ander breek haar man af. Sy is vir hom soos ’n kanker.

Die woord “knap” (ḥayil) kan ook met “sterk”, “dapper”, “vermoënd” en “vaardig” vertaal word. Dit kan selfs met “kragtig” vertaal word wat seksuele konnotasies het (Spreuke 31:3). Die woord “skande maak” (mĕḇîšâ) het ook seksuele konnotasies in sommige kontekste. Dit word bv. in kontekste gebruik waar onsedelikheid ter sprake is (Hosea 2:7).

Interessant genoeg word die Spreuke 31-vrou ook met die woord ḥayil beskryf (Spreuke 31:10). So ook Rut (Rut 3:11). Dit is waarom Peterson hierdie vers só vertaal: "'n Hartlike vrou verkwik haar man, maar 'n ysige vrou is kanker in die bene.” Iets om oor na te dink.