Spreuke – eenjaarleesplanSample

Vers 15: ‘n Goddelose tiran breek ‘n arm volk. Hy is soos 'n brullende leeu en 'n beer wat op jou afstorm. Dié ongelukkige toedrag van sake was nie net die kruis van menige weerlose volkere in die verlede nie, maar bly die enkele grootste oorsaak van ellende in ons eie tyd regdeur die wêreld. Dit is natuurlik ook nie net leiers as sodanig wat daarvoor verantwoordelik is nie, maar die onderdrukkende ideologiese stelsels - polities, ekonomies, en godsdienstig - wat hulle skep en in stand hou.

Vers 16: Onverstandige leiers breek ‘n volk. ‘n Gebrek aan verstandigheid by 'n leier (prins/vors) veroorsaak verdrukking en omgekeerd: 'n leier wat 'n wrede verdrukker is, het 'n gebrek aan verstandigheid. Die leiers wat egter onregverdige wins haat, skep 'n toekoms.