Spreuke – eenjaarleesplanSample

Vers 14: Moedswillige verset teen God verseker jou ondergang. 'n Meer letterlike vertaling is: "Gelukkig is 'n mens wat voortdurend in ontsag leef ("altyd bewe"), maar wie sy hart verhard, stort neer in 'n ramp." Die eerste deel van die sin word gewoonlik verstaan as iemand wat in ontsag vir God lewe. Dit kan egter ook verklaar word dat iemand versigtig is vir die sonde. In albei gevalle gaan dit daaroor dat die sonde vermy word om in gehoorsaamheid aan God te lewe. Die tweede deel van die vers het te make met 'n moedswillige of koppige verset teen God se wil. Dit is rampspoedig en verseker jou ondergang.