Spreuke – eenjaarleesplanSample

Vers 21: Partydigheid is afgryslik sleg. Dit is verkeerd selfs wanneer jy broodgebrek ly en iemand jou met 'n stuk brood omkoop om die reg te verdraai (Levitikus 19:15; Deuteronomium 1:17; Spreuke 17:23). Peterson vertaal: "Om kant te kies in enige saak is verkeerd. Omkoopgeskenke is ’n gruwel, al het jy dit hoe nodig" (DB).

Vers 22: 'n Suinige mens jaag rykdom na uit sy gierige hart (letterlik "bose oog"). Kidner praat van 'n "gees wat net wil gryp". Ironies genoeg voorkom gierigheid nie gebrek nie, want dit is God wat voorspoed en teenspoed bepaal (Spreuke 28:25, 27; 23:6). Jesus sluit hierby aan met die gelykenis van die ryk dwaas in Lukas 12:13-21.