Spreuke – eenjaarleesplanSample

Selfverheffing en hoogmoed lei tot goddeloosheid. Die tweede deel van die vers kan op twee maniere vertaal word:

1. "Die lamp van die goddelose is sonde", die goddelose se koers word deur die sonde bepaal (1 Konings 11:36 waar die koning as 'n lamp of 'n lig beskrywe word; die woord word hier in 'n negatiewe sin gebruik).

2. "Die geploegde land van die goddelose is sonde", die goddelose se lewe word deur sonde gekenmerk (Hosea 10:12).

Dit is eintlik so vanselfsprekend. Verloor jou ontsag vir ander, dan verloor jy jou ontsag vir God. Die omgekeerde is ook waar. Verloor jou ontsag vir God, dan verloor jy ook jou ontsag vir ander, iets wat regdeur Spreuke beredeneer word. En dit is ook wat die wet sê (Eksodus 20), en waarby Jesus in die Nuwe Testament aansluit met die liefdesgebod (Matteus 22) – die liefde vir God en jou naaste is die diepste waarheid oor wat die lewe die moeite werd maak, ware lewenswysheid. ‘n Mens gehoorsaam dus nie die liefdesgebod omdat God jou verplig nie, maar omdat dit die wyse ding is om te doen, en die lewe dan vir almal die moeite werd word.