Spreuke – eenjaarleesplanSample

Vers 14: Die eerste deel van die vers formuleer die werklikheid dat ‘n geskenk wat in die geheim gegee word, ‘n groot krisis kan afweer. In die tweede deel wys Spreuke egter hoe moeilik dit is om ’n bona fide geskenk te onderskei van ’n omkoopgeskenk. Wees dus versigtig vir dinge wat in die geheim gedoen word. Donkerwerk is uiteindelik konkelwerk, lui die Afrikaanse spreekwoord. Vers 15: Wanneer reg geskied, gee dit regverdiges moed, en verswak dit onregverdiges. Vers 16: Verstandigheid – die weg van wysheid – moet voortdurend volgehou word. As jy afdwaal, beland jy uiteindelik in die geselskap van die dooies – "gemeenskap van geeste" (DB), die doderyk – waar jou vryheid vir altyd tot niet is.