Spreuke – eenjaarleesplanSample

Die vyfde praktiese voorbeeld kontrasteer die goddelose (spotters en dwases) met die regverdiges (nederiges en wyses). Selfs in só ‘n situasie moet die seun nie sy mag misbruik nie, nie eens deur ander te beny as hulle hul mag tot hulle eie voordeel misbruik nie.

Die voordeel van hierdie optrede is dat dit vir die seun 'n belewenis van God se teenwoordigheid sal gee, nie net vir homself nie, maar ook vir dié naby aan hom in sy huis. God sal hom seën en beskerm.

Interessant is dat goddelose in vers 33 in die enkelvoud is, en regverdiges in die meervoud. Dit beteken waarskynlik dat regverdiges makliker in ‘n gemeenskap inpas. Dit is eintlik ’n stukkie ekstra aanmoediging om God se pad te kies. Hy seën en beskerm nie net dié wat by Hom skuil nie. Hy is ook by hulle en snoer hulle saam.