Spreuke – eenjaarleesplanSample

Vers 29: Soos vroeër in vers 8, belowe Spreuke dat God die gebede van die regverdiges (opregtes) hoor, maar ver is van die goddelose. Soos Jesaja 59:2 sê: "... maar julle ongeregtighede het ’n skeidsmuur geword tussen julle en julle God, en julle sondes het sy aangesig vir julle verberg, sodat Hy nie hoor nie.” Vers 30: Stralende oë verwys waarskynlik na iemand wat óf vriendelik is met jou (Spreuke 16:15) óf goeie nuus vir jou bring. Want, goeie nuus, sê die tweede reël: “... maak jou bene vet”! Bene verwys in dié konteks na jou hele menswees. Dit beteken dat goeie nuus jou laat goed voel (kyk na Jakob in Genesis 45:27-28). Dit maak jou gesond (Spreuke 17:22). Dis ’n aanmoediging om nooit enigiets goeds van iemand te weerhou nie.