BibleProject | የዘወረደ ምልከታዎችSample

አጋፔ ፍቅር በተቀዳሚነት ሰዎች ላይ የሚከሰት ስሜት አይደለም። ፍቅር ተግባር ነው። የሌሎችን ደህንነት ለመፈለግ ሰዎች የሚያደርጉት ምርጫ ነው። ሐዋሪያው ጳውሎስ፣ ከደብዳቤዎቹ በአንዱ፣ ፍቅር ከመንፈሳዊ እውቀት ወይም ከልዩ ችሎታዎች እንደሚበልጥና ምንም ነገር ያለፍቅር ትርጉም አልባ እንደሆነ ተናግሯል። በመቀጠልም ፍቅር በትክክል ምን እንደሚያስብና እንዴት እንደሚያደርግ በትክክል ይገልጻል።

ያንብቡ፦

1ኛ ቆሮንቶስ 13÷1-7

ምልከታዎን ያስፍሩ፡

1ኛ ቆሮንቶስ 13÷4-7ን በወረቀት ላይ ጻፉ። ይህን ቃል በራስዎ እጅ ጽሑፍ በሚጽፉበት ጊዜ የትኞቹ ቃላት ወይም ሐረጎች ናቸው ለእርስዎ ጎልተው የሚታዩ?

በየትኛው የፍቅር ገጽታ ነው ይበልጥ ሊያድጉ የሚያስፈልግዎ? እግዚአብሔርን ይንገሩትና እንዲረዳዎ ይጠይቁት።

የጳውሎስን የፍቅር ፍቺ በመጠቀም ኢየሱስ እንዴት እንደወደድዎ ከግምት ውስጥ ያስገቡ። ለምሳሌ፣ ኢየሱስ ታጋሽ፣ ደግ፣ ትሁት እና የራሱን የማይፈልግ የሆነልዎ እንዴት ነው?

ዛሬ እግዚአብሔር እንደሚወዳቸው አስታዋሽ የሚያስፈልጋቸው ሰዎች ማን ናቸው? በዚህ ሳምንት ኢየሱስ ፍቅሩን በእርስዎ በኩል ማጋራት የሚፈልገው በምን መልኩ ነው? ስለዚህ ጉዳይ ለመጸለይ ትንሽ ጊዜ ይውሰዱ። በሚጸልዩ ጊዜ ወደ አእምሮዎ የሚመጡ የትኛዎቹንም ሀሳቦች በጽሑፍ አስፍሯቸውና በዚህ ሳምንት የኢየሱስን ፍቅር ለማጋራት እቅድ አውጡ።