Die Grootste GeskenkSample

Prys Sy Geduld

Lees: Psalm 103

SOAP: Psalm 103:8–10

Barmhartig en genadig is die Here, lankmoedig en vol liefde. Hy sal ons ons sonde nie bly toereken en nie vir ewig toornig bly nie. Hy handel met ons nie volgens ons sondes nie, vergeld ons nie vir ons ongeregtighede nie

Oordenking

Soos hierdie week van Advent tot ’n einde kom, laat ons daarop fokus om God te loof vir wie Hy is en wat Hy vir ons gedoen het. God is goed, en Hy het ons die wonderlikste geskenk in sy seun, Jesus, gegee. Hy is nie net goed nie, maar die Psalm van vandag herinner ons daaraan dat God ongelooflik geduldig met ons is.

Dwarsdeur die Bybel lees ons verhale van gelowige mans en vroue, wat afgedwaal het, ongehoorsaam was of uitgestel het om te doen wat God hulle gevra het om te doen. Maar God wyk nooit van sy plan af nie, en Hy toon groot geduld teenoor sy uitverkore volk.

Die Psalmskrywer onthou God se groot vriendelikheid, vergifnis, genesing, bevryding, liefde, deernis, vernuwing, geregtigheid, getrouheid, barmhartigheid en geduld. God behandel ons nie soos wat ons verdien nie, maar het ’n plan van verlossing ontwerp waarvoor Hy sy Seun as die uiteindelike offer moes stuur. Jesus, die baba wat ons tydens Kersfees vier, het die sondes van die wêreld aangeneem — ’n belofte wat God oor duisende jare gemaak en gehou het.

Prys God vandag vir sy geduld in jou lewe. Onthou die kere wat Hy op jou gewag het, jou liefgehad het, jou gedra het en sy beloftes aan jou gestand gedoen het. Hierdie groot geskenk van Jesus wat ons gaan vier, is vir jou gestuur, lank voordat jy ooit sou besluit om Hom as jou Verlosser te aanvaar. Wat ’n pragtige geskenk!

Gebed

Vader, dankie dat U ongelooflik, ongelooflik geduldig met my was. Help my om hierdie geskenk hierdie Kersseisoen aan ander oor te dra, in plaas daarvan om my frustrasies of ongeduld op hulle uit te haal. Mag my lewe u karakter weerspieël vir die mense rondom my. Amen.