VriendskapSample

Jesus, Ons Heel Beste Vriend 

Lees: 1 Petrus 5:6-7

SOAP: 1 Petrus 5:7

Werp al julle bekommernisse op Hom, want Hy sorg vir julle.

Oordenking

Ons is gemaak vir menseverhoudinge, maar ‘n gevalle wêreld beteken dat baie van ons vriendskappe ons gaan teleurstel of selfs seermaak. Uiteindelik is dit God wat in al ons behoeftes voorsien, nooit mense nie. As ons voor eensaamheid, vrees en pyn te staan kom, kan ons op God vertrou om ons laste te dra en ons te vertroos. God is altyd betroubaar, al is ons vriende nie. 

God belowe nie om ons pyn te verlig, ons siekte te genees of ‘n einde aan ons lyding op aarde  te maak nie. Ons uiteindelike hoop lê egter in volkome herstel in die ewigheid. Ons kan ons bekommernisse op God werp omdat ons weet dat Hy vir ons omgee, want Hy het hierdie liefde gedemonstreer toe Hy sy Seun gestuur het om aan die kruis vir ons te sterf. Ons vriende kan ons in die steek laat, maar God sal nooit nie. Ons vriende kan hulle eie begeertes bo ons welstand plaas, maar Christus het ter wille van ons gely en gesterf. Ons vriende kan dalk hulle skouers ophaal vir ons laste, maar God belowe om ons swaar las vir ‘n sagte juk te verruil (Matt. 11:30).

Gebed

Dankie God, dat U my nooit in die steek laat nie! Ek bid dat U vir my vriendskappe sal gee wat U eer en vir my vreugde verskaf. Ek dank U dat U my heel grootste bron van vertroosting en sekuriteit bly. Amen.