Fyodor Dostoyevsky , die wêreldbekende skrywer, het ontwaking tot die lewe in ‘n oomblik beleef. In 1894 was hy in die tronk in Saint Petersburg. Hy was ter dood veroordeel saam met ‘n paar van sy vriende. Hulle was na ‘n plein geneem en voor die vuurpeloton geplaas.

Terwyl die dromme speel, sekondes voor die teregstelling, kom ‘n boodskapper ingestorm met ‘n boodskap dat die tsar die vonnis hersien het en hulle nou tot lewenslange hande-arbeid gevonnis is.

Van die manne het begin huil, een het kranksinnig geword; maar Fyodor het ‘n onuitspreeklike, onverklaarbare blydskap in hom ervaar. Hy was so bly om sy lewe terug te ontvang en het ‘n dankbaarheid vir die gawe van die lewe ontvang.

Hy het vir sy broer geskryf: “Wanneer ek terug kyk na die verlede en dink hoeveel tyd onnodig gemors is, hoeveel tyd verlore gegaan het met dwalings, met foute, met niksdoen, in onkundigheid oor hoe om te lewe, hoe ek nie tyd waardeer het nie, hoe dikwels ek gesondig het teen my hart en gees — bloei my hart. Die lewe is ‘n geskenk, die lewe is om gelukkig te wees, lewe is in jouself, nie in die uitwendige nie”.

 Ter Nadenke 

Jy word uitgenooi om terug te gaan na ervarings wat uitnodigings was om wakker te word tot jou lewe. Dink na oor een of twee sulke ervarings en deel dit met iemand vandag. Praat ook met die Here daaroor.

Gebed

Here, gee my die genade om te ontwaak tot die lewe saam met U.

Die Boodskap vir jou Lewensreis

Daaglikse oordenking wat voortbou op die dag se tema