MATHI 3
3
Johan Baptizwa na Kesansi
(Mrk 1.1-8; Luk 3.1-18; Jhn 1.19-28)
1Tsü tsüwi Johan Baptizwa na Judea wi ayyikeshü wi gho nu nyu sansi wa. 2#Mat 4.17; Mrk 1.15 Ma khi, “Nthu kesami wina leben khapeghe yalo, kepaghenanye tang Kadiyyi tsüna tetsakidha.” 3#Isa 40.3.Johan ha Isa atusenjüh-kechüwa na hati ma cüki khi kethengwa tsü,
“Anyi kesü ayyikeshü wina jisha,
‘Apvüwa len ghena kidenyalo;
ma ghena alen satemeshon yalo!’”
4 #
2 Kad 1.8. Johan thsümeni na gada ssen pi kesa, ma asayhu pi ma geshi qhanpvü, nu ma tsse na ashiqa nu anikholi. 5Anyithu na Jerusalem, Judea yyi maben, nu Jordan Ghaku kete diyyi maben wina ma wi gho. 6Mathu na kesami khishi, nu ma mathu pi Jordan ghaku wi baptaiz sa cü.
7 #
Mat 12.34; 23.33. Johan na Farisithu nu Sadukithu kejon na baptaiz sale ma wi gho keten kemu wi ma mathu wi khi, “Nthu amaghangthu, thowa na nthu Anyiza kemeten kesunchile keben wi tsü na bvüya mehaile nthu kiza nu? 8Nthu na kesami wi leben khapeghe yadhale kesa pi nyu ccücale kesalina pala hathu ha salo. 9#Jhn 8.33. Nu Abraham tsüna nthu baqhai le kekhi wina nthu kemeten tsü ghüya benle nmeshen lalo. Hi nthu kizaden, Anyiza na alon hathu ha pi Abraham tsangathu sa cüya mehai le! 10#Mat 7.19. Ampvü na achantonthu ccü wi ben; achanton ma bi nkemehai kebünwa tsü shüchi pi anni wi cüchiaben . 11Nthu na leben khapeghe yadhale kesa pi nyu ccücale kesalina hi atssü pi nthu baptaiz saben, isala anyi kesü iseng wi gho ketenwa tsüna Kemetha Ghamu nu anni pi nthu baptaiz saben. Ma imiwi khangki nu hi ma ccüguwen lela nsen qole! 12Ma amagha na ma kwen wi ben nu pi asu maben kewhen piaden. Ma asu non pi ma sabe wi chiyaden; isala magwe pi nyen nketen nni wi mecang shaden.”
Jisu Baptaiz Kesa
(Mrk 1.9-11; Luk 3.21-22)
13Tsü tsüwi Jisu na Galilee wina ghonu Jordan wi Johan kwen wi baptaiz sale gho. 14Isala Johan na ma kemeshen sa pi kemili cüle sa. “Hi nkwen wi baptaiz kesaule, isala no hi wi ghodhala!” Johan na isakhi.
15Isala Jisu na ma luneng, “Khili ghena tsüti sa thsülo. Kepaghenanye ishinyi na hatinu Anyiza kenenwa tsüdi sayaben.” Tsalina Johan la anlo sa.
16Jisu na baptaiz saya meyi atssü wina shhugho. Tsaseng wi tang wi shachi nu ma Anyiza Ghamu na nkhetsü kesü ti sa dugho ma miwi ben wa kesa muya. 17#Ade 22.2; Zak 2.7; Isa 42.1; Mat 12.18; 17.5; Mrk 1.11; Luk 9.35.Isanu tang wi ahhai kesü na khi, “Hawa ha hi ghali keten itsawa, hi ma ghali ntsa saden.”
Atualmente Selecionado:
MATHI 3: RENGNBSI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
