Sirak 3
3
Tanggungjawab Anak Ngagai Apai Indai
1Kita anak aku, dingaka aku apai kita. Kereja utai ti dipadah aku ngagai kita, nya baru kita deka selamat. 2Tuhan ngasuh bala anak bebasaka apai sida lalu enda tau enda ngaku kuasa indai sida. 3Enti nuan bebasaka apai nuan, penyalah nuan deka diampun. 4Enti nuan ngelala pemanah indai nuan, nuan baka orang ke ngumpul reta. 5Enti nuan bebasaka apai nuan, ila bala anak nuan deka manah enggau nuan, lalu Tuhan nerima sembiang nuan. 6Enti nuan bebasaka apai nuan, nuan deka panjai umur. Enti nuan talukka Tuhan nuan ngenyenangka ati indai nuan. 7Intu apai indai nuan asaika nuan ulun sida. 8Bebasaka apai nuan dalam semua pengawa enggau jaku nuan ngambika nuan bulih berekat iya. 9Berekat apai nuan deka ngasuh bilik nuan menyana, tang iya deka tusah enti disumpah indai nuan.
10Anang ngiga basa ke nuan empu ngena jalai ngemaruhka apai nuan, laban enti iya dikeleseka, utai baka nya ukai nyadi basa ke nuan. 11Enti nuan bebasaka apai nuan, nuan empu deka dibasa, lalu enti nuan ngemalu indai nuan, nuan empu deka malu.
12Anak aku, tulung apai nuan maya iya nyau tuai. Anang ngasuh ati iya tusah sekumbang iya idup. 13Ampun iya enti pengingat iya nyau kurang. Anang ngemelika iya laban nuan gerai sereta kering. 14Pemanah ti ditunjukka nuan ke apai nuan tetap dikingatka Tuhan, lalu dikira Iya kena muai dosa nuan. 15Lebuh nuan kena penusah, Tuhan deka ingatka pemanah nuan. Dosa nuan deka lenyau baka ambun kena pengangat matahari. 16Anak ke ninggalka apai indai tauka ngasuh sida ringat sebaka enggau pengawa ti ngeleseka Tuhan, lalu Tuhan deka nyumpah iya.
Pemaruh Ati
17Anak aku, anang enda baruh ati dalam semua pengawa nuan, nya baru nuan dikerinduka orang ke dikerinduka Tuhan. 18#P-dlm 3.5-6; 1 Pet 1.7. Tinggi agi pangkat nuan, balat agi nuan ngemaruhka diri, nya baru nuan ngenyenangka ati Tuhan.#3.18 Sekeda Penambah ayat 19: Mayuh orang dikemesaika sereta dipuji, tang utai ti dipelalaika Allah Taala diayanka ngagai orang ti baruh ati; Hebrew: Pengasih Allah Taala endang besai lalu Iya ngayanka ngagai sida ti baruh ati utai ti dipelalaika Iya 20Kuasa Tuhan besai amat, tang Iya nerima basa ari orang ke baruh ati. 21Anang nguji deka meretika utai ti tekelalu mar ba nuan, tauka deka nasat utai ti lebih ari penemu nuan. 22Tumpuka ati nuan ba Adat ti udah diberi ngagai nuan. Anang pedulika utai ti enda dipadahka Tuhan ngagai nuan. 23Nya alai anang kiruh deka nasat utai di luar penemu nuan, laban utai ti dipadah ngagai nuan udah tekelalu lebih ari penemu mensia. 24Mayuh orang udah tesat laban runding sida empu. Runding sida ti charut ngasuh sida salah sangka.#3.24 Sekeda Penambah ayat 25: Enti nuan nadai mata, nuan enda ulih meda; anang ngumbai diri bisi penemu enti nuan nadai penemu; Hebrew bisi, udah ayat 27: Enti nuan nadai mata, nuan enda ulih meda; enti nuan nadai penemu, nuan nadai Penemu Dalam
Sumbung
26Orang ke kieh pengujung iya deka tusah, lalu orang ke rinduka penusah deka rusak laban penusah. 27Orang ke kieh endang ngiga mayuh penusah ke diri empu, lalu orang ke bedosa majak nambahka dosa. 28Penusah orang ke sumbung enda ulih suman laban penyai udah lekat dalam ati sida. 29Orang ke pintar deka beratika leka jaku dalam. Sida deka amat mending ngambi bulih penemu.
Meri Sedekah
30Baka api ti mau dipadamka ai, baka nya mega dosa ulih dibuai ngena jalai meri sedekah. 31Orang ke ngereja pengawa ti manah ke orang bukai, endang berundingka diri empu dudi hari, laban sida nemu sida empu deka nerima tulung maya kena penusah.
Atualmente Selecionado:
Sirak 3: BK
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Hakcipta © 2011, The Bible Society of Malaysia
Copyright © 2011, The Bible Society of Malaysia