1 Korinthiko 11
11
1 #
1 Kor 4.16; Php 3.17 Iń do cetʼleka Mạsireń calakʼkan, ape hõ onkage calakʼpe.
Girjạre lek leka colon reakʼ
2Apeń sarhaoetʼpea, ente ape do sanamakʼkorepe disạyediń kana ar okań cetʼ akawatʼpe onape sapʼ dohoakatʼa. 3Iń doń menjoṅ kana jemonpe baḍae baṅma, mitʼke mitʼ herelkoren matha do Mạsige, ar maejiuren matha do jãwãetetʼ, ar Mạsiren matha do Isorge. 4Jãhãe herel hoṛ bohokʼ dapalkateye koejoṅ se nạbi leka Isorakʼ kathakoe lại, uni do acʼakʼ bohokʼe bemanoteda. 5Ar jãhãe maejiu bohokʼ begor ṭuṭurikateye koejoṅ se nạbi lekate kathae lại, uni do acʼakʼ bohokʼe bemanoteda, ente uni do hoyo poṭor akan maejiu lekageye hoyakana. 6Jãhãe maejiu bohokʼ bae ṭuṭurikʼ khan uni do acʼakʼ upʼe getʼ giḍikakʼma. Menkhan maejiuko lạgitʼ kạpcikʼ se hoyo poṭorokʼ do lajao paṛage khan onko doko ṭuṭurikʼma. 7#Gen 1.26,27 Herelakʼ bohokʼ dapal do lek baṅkana, ente Isor do acʼlekage herele sirjạu akadea ar herel hotetege Isorakʼ ṭhonok do sodor akana. Menkhan maejiu hotete herelakʼ do ṭhonok sodorokʼa. 8#Gen 2.18-23 Herel do maejiu khon bae hecʼakana, menkhan maejiuge herel khone hecʼakana. 9Maejiu lạgitʼ herel do bae sirjạu akana, menkhan herel lạgitʼge maejiu doe sirjạu akana. 10Onate maejiuko do serma goḍetko iạte akoakʼ bohokʼre gobolokʼ reakʼ cinhạ lekate bohokʼ ṭuṭurikʼ do lek takoa. 11Enrehõ Probhu Isorre herel do maejiu begorte cele hõe baṅkana ar maejiu hõ herel begorte cele hõe baṅkana; 12ente cetʼ leka herel khon maejiue hecʼakan onkage arhõ maejiu hotete herelakʼ janam do hoyakana. Menkhan sanamakʼ do Isor khonge.
13Ape apnarte baṛe bicạrpe, maejiuko begor ṭuṭurite Isor ṭhenko koejoṅ do cetʼ sajaokʼgea? 14Khaṭo budte cetʼ noa baṅ bujhạukʼ kana, herel do jhạl upʼ tahẽntako khan bemanot hoyokʼtakoa mente? 15Menkhan maejiuko jeleń upʼ tahentako khan ona do onko lạgitʼ ṭhonok kana, ente apnar dapalokʼ lạgitʼge maejiuko do jeleń upʼ em akawatʼkoa. 16Ar jãhãe noa iạteko ṭhapa ṭhugokʼ khan noań menkea, eṭakʼ jãhãn niạm do abo talare bạnukʼa ar Isorakʼ manḍerkore hõ bạnukʼa.
Probhu kedokʼ reaṅ
(Mathae 26.26-29; Mark 14.22-25; Luk 22.14-20)
17Menkhan ńitiń hukumape kanre do bạń sarhaoetʼpea, ente ape do manḍerre boge lạgitʼ do baṅ bickom bạṛijokʼ lạgitʼgepe jarwakʼ kana. 18Pạhilreń ańjomeda, manḍer jarwakʼre ape talare dola doli tahenkana, ar iń do thoṛ pạtiạu hõń pạtiạukʼkangea. 19Ente ape talare dola duli do tahengea, jemon Isor samaṅre ape modre biḍạukʼ ṭarhaokʼkoko sodorokʼ. 20Manḍer lekate mitʼ jaegare jarwakate okaṭakʼpe jometʼkan ona do Probhuakʼ bhoj do baṅkana, 21ente begor tạṅgitepe jomeda. Onate mitʼ hoṛakʼ do reṅgecʼ tahen kangea ar eṭagicʼ doe bulokʼkana. 22Jom ńũi lạgitʼ apeakʼ oṛakʼ do cetʼ bạnukʼtapea? Se Isorakʼ manḍerkope nihạ̃teda ar okoeyakʼ cetʼge bạnukʼtako onkope lajao ocoyetʼkoa? Iń do cetʼiń metapea? Noa iạteń sarhaopea? Khạṭige baṅa.
23Okaṭakʼ iń cetʼ akawatʼpe ona do Probhu Isor ṭhen khongeń ńamakada. Oka ńindạ Probhu Isor do bạirikoakʼ tireye soprot ocolen, 24ona ńindạ uni do piṭhạ halaṅkate Isore gunmanao joharadea ar onae kecakʼketʼteye menkeda, “Noa do ińakʼ hoṛmo kana one ape lạgitʼ emogokʼkan; ar iń disạyiń lạgitʼge nonkaepe baṛe.” 25#Exo 24.8; Jir 31.31-34; Exo 24.6-8 Kedokʼ tayom onkage bạṭi hõ ataṅkateye menkeda, “Noa bạṭi do ińakʼ mãyãm hotete Isorakʼ nãwã bondobos kana; tinạkʼ dhaope ńũi nonkaepe, iń disạyiń lạgitʼ.” 26Onate uni ạuriye hijukʼ hạbicʼ tinạkʼ dhao noa piṭhạpe jom ar noa bạṭi reakʼpe ńũi unạkʼ dhao Probhu Isorakʼ gujukʼ reakʼ kathape porcara.
27Onate jãhãe belek lekate noa piṭhạ ar Probhu Isorakʼ bạṭi khone jom uni do Probhu Isorakʼ hoṛmo ar mãyãm reakʼ dạyike hoyokʼa. 28Onate manwa do piṭhạ ar bạṭi reakʼ jom lahare apnarteye biḍạu aṭkarokʼma, 29ente jojom jokhecʼ Probhu Isorakʼ hoṛmo reaṅ bae bujhạu khan enḍekhan ona jomte uni do acʼ cetanre sạjạiye ạgujoṅa. 30Ar onatege ape talare ạḍi utạr nijor ar rugiko menakʼkoa, ar aema doko gocʼ akana. 31Abo do apnarte bon biḍạulen khan enḍekhan Probhu Isorakʼ bicạr khon bon rukhiyạkokʼa. 32Menkhan Probhu Isore bicạrbonre uni doe ḍanṭaoetʼ bona, jemon dhạrtiren sanamko sãote dusi mente alo bon ṭarhaokʼ.
33Onate E ińren boehako, manḍerre jom lạgitʼ mitʼ ṭhenpe jarwakʼre ape apere tạṅgikʼpe. 34Ar jãhãe reṅgeje khan uni do oṛakʼ khone jom ạguiyma, jemon manḍer jarwakʼ khạtirte sạjại aloe ńam; ar eṭakʼakʼ reaṅ do ińiń hecʼlenreń lạiyapea.
Obecnie wybrane:
1 Korinthiko 11: SBT
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Santali Bible © Bangladesh Bible Society, 2021.