1 Korinthiko 10
10
Israelkoakʼ Itihãs khon sikhạuna
1 #
Exo 13.21,22;
Exo 14.22-29
E boehako, iń doń khojkana jemonpe baḍae, aboren hapṛamko do jotoge ona rimil reakʼ umulreko tahẽkana ar sanamkoge doreão talateko paromlena. 2Mose tulucʼ midokʼ lạgitʼge onko do rimil ar doreãoteko bạptis ocolena. 3-4#Exo 16.35 #Exo 17.6; Num 20.11 Isor emakʼ ona mitʼ jiuanakʼ jomakʼgeko jomleda; ar ona mitʼ jiuanakʼ ńũńũakʼgeko ńũleda. Isor emakʼ okaṭakʼ dhiri onko são sãote calakʼkan tahẽkan ona khonge ńũi lạgitʼ dakʼko ńametʼkan tahẽkana; ar Mạsige ona dhiri doe tahẽkana. 5#Num 14.29,30 Enrehõ Isor do onko modren ḍher hoṛko cetanre kusi bae tahẽkana. Onate onkoakʼ mạ̃ṛĩ do hahaṅkarrege giḍi ocoyentakoa.
6 #
Num 11.4
Ona ńelte abo jemon bon cetʼ daṛeakʼ ona lạgitʼge noako do hoylena, jemon onko cetʼleka bạṛicʼakʼko lalocatʼ tahẽkan onka alo bon kạmi. 7#Exo 32.6 Cetʼleka onko modren adomko do boṅgako sewawako kan tahẽkan onka leka boṅga sewako do alope hoyokʼa. Olakan leka,
“Hoṛko do jojom ar ńũńũko duṛupʼena,
ar enejokʼko beretʼena.”
8 #
Num 25.1-18
Onko modre ḍher hoṛgeko laṭ ghaṭletʼte mitʼ dinre bargel pe hajar hoṛko gocʼlena. Abo do onka alo bon loṭghuṭima. 9#Num 21.5,6 Onko modre ḍherkoge Probhu Isorko biḍạukedete cetʼleka biń gerteko gocʼlen, onka jemon Probhu Isor alo bon biḍạu aṭkare. 10#Num 16.41-49 Onko modre ạḍi hoṛgeko karacʼ kurucʼlente cetʼleka nonosṭoyicʼ goḍet hoteteko marao ocolen, ape do onaka alope karacʼ kurujokʼa.
11Eṭakʼ hoṛko jemon ńelkateko cetʼ daṛeakʼ onate onko cetanre noako do hoylena. Okoe jug reakʼ mucạtʼre bon seṭerakan, abo cehao bon lạgitʼge noako do olakana. 12Onate jãhãe kajakteye teṅgo akana menteye monejoṅkan khan, enḍekhan uni doe sontorokʼma jemon aloe bhindạṛokʼ. 13Manwa jionre okako biḍạu hoyokʼkan ona chaḍa eṭakʼ jãhãn biḍạu do ar baṅ paṛao akawatʼpea. Isor doe pạtiạrgete, sahao daṛeakʼ khon bạ̃ṛti do bae biḍạupea, bickom biḍạu são sãote ona khon oḍokokʼ reakʼ hõe horapea, jemonpe sahao daṛeakʼ.
14Onate E ińren gateko, boṅga sewa khon men ńir joṅpe. 15Iń do budanko menteń baḍaeyetʼpete noakoń galmaraoape kana; ar okań roṛetʼkan, ona do apege bicạrpe. 16#Mat 26.26-28; Mrk 14.22-24; Luk 22.19,206 Probhu kedokʼ okte gunmanao joharate oka bhoranakʼ bạṭi khon bon ńũi, ona do cetʼ Mạsiyakʼ mãyãmre bakhra seledokʼ leka do baṅkana? Ar okaṭakʼ piṭhạ do kecakʼkate bon jometʼkan ona hõ cetʼ Mạsiyakʼ hoṛmore bakhra seledokʼ leka do baṅkana? 17Ar bon aemagere hõ mitʼ hoṛmo kanabon, ente piṭhạ do mitʼ goṭengea, ar sanamkoge ona mitʼ piṭhạ reaṅ hạṭińge bon ataṅeda.
18 #
Lev 7.6
Israel jạtrenko beṅgetʼakope. Onko modre okoe teṅgenakʼko jometʼkan onko do cetʼ ona pinḍ reakʼ jotoge bako bakhra joṅkana? 19Enḍekhan cetʼ iń roṛeda? Boṅga ṭhen teṅgenakʼ jomakʼ do jãhãnakʼ kana se muṭhạnge jãhãnakʼ kana? 20#Bib 32.17 (LXX) Ona do baṅ, bickom ińiń meneda, boṅgan hoṛ okako samaṅetʼkan ona do Isor lạgitʼ do baṅkana, ona do bạṛicʼ jiuko ṭhengeko onkayeda. Ar bạṛicʼ jiuko tulucʼ apepe gatekʼ do bạń khojkana. 21Probhu Isorakʼ bạṭi khon ar bạṛicʼ jiukoakʼ bạṭi khon, noa banar khon do baṅgepe jom daṛeakʼa. Probhu Isorakʼ mej cetanre ar bạṛicʼ jiukoakʼ mej cetanre oka menakʼ ona banar reakʼ bakhra do ohogepe jom daṛelea. 22#Bib 32.21 Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?
Biswạs reakʼ sạdhintetʼ
23 #
1 Kor 6.12
Adomkoko mena, “Jotowakʼge ganokʼgea.” Menkhan jotowakʼ do baṅ porhowana. Jotowakʼge ganokʼa; menkhan jotowakʼ do baṅ bekʼnao rakapʼa. 24Okoe hõ apnar bhạlại lạgitʼ aloe kurumuṭuima, menkhan eṭakʼkoakʼ bhạlạigeye ńam baṛaema.
25Bajarre ạkhrińokʼ kan jãhãnakʼge jompe; apeakʼ bibek khạtirte cetʼ hõ begor kulite; 26#Ser 24.1 ente sonot sostor reakʼ katha leka, “Dhạrti ar onare menakʼakʼ jotowakʼge Probhu Isorakʼ kana.”
27Ar jãhãe bin pạtiạuicʼe neotalepere arpe calaolenre, bibek khạtirte cetʼ hõ begor kulite samaṅ akawatʼpe reakʼ jompe. 28Menkhan jãhãeko metape khan, “Noa do boṅga ṭhen teṅgenakʼ kana,” Enḍekhan one okoeye menakatʼpe uni iạte ar bibek khạtirte alope joma. 29Iń do apeakʼ bibek reakʼ katha do bạń roṛeda, eṭakʼ mitʼ hoṛakʼ bibek reakʼ kathań roṛeda. Menkhan eṭakʼ mitʼ hoṛakʼ bibek iạte cedakʼ ińakʼ sạdhintetʼreń bicạr ocokʼa? 30Ar gunmanao joharateń jomle khan, enḍekhan oka jomakʼ lạgitʼ gunmanao iń joharetʼkan ona lạgitʼ cedakʼiń opoman ocokʼa?
31Onate ape do jãhãnakʼgepe jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe. 32Iń do cetʼleka sanam manwako jotowakʼte kusi ocoko lạgitʼ iń kurumuṭuyetʼ kan ape hõ onkage kurumuṭuipe; metakʼme Jihudi ar boṅgan hoṛ jạtrenko se Isorakʼ manḍerren hoṛko ṭhen tạkʼkicʼko alope hoyokʼa. 33Iń do apnar porho lạgitʼ kurumuṭu baṅkate ḍher hoṛkoakʼ bhạlại lạgitʼgeń kurumuṭu kana jemon onko do kại khon bańcaoko ńam.
Obecnie wybrane:
1 Korinthiko 10: SBT
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Santali Bible © Bangladesh Bible Society, 2021.