Broă 12

Hìu Jum Goh kòl kup kơryan Pier ơm jàm mơ geh dong klàs

1Tòm tŭ hơ̆, bơtau Herôt#12:1 Do la Herôt Agrippa I at bồ làm jơh Palestine. lơh iơh di dô êt cau tòm Hìu Jum Goh. 2Khai ngui đào tơnchơt Jakơ, la bi Jang dê; 3Tòm tŭ gŏ bơta hơ̆ niam nùs cau Juda, bơtau kung sồr cau lòt kup Pier sơl. 4#Lik 12:1-27.Tŭ hơ̆ la di di ală ngai Pơjum sa piang lă ò gơs kañ. Behơ̆ Herôt kup jàm Pier tòm hìu jàm, jào poan bơnòr ling in kơp gàr, kòp bơnòr gơs poan nă cau ling. Bơtau kòñ lòi rlau di ngai Pơjum sa Lòt Gan gen sồng tơlik khai di đap làng bol. 5Behơ̆, tòm tŭ Pier kòl krơ̆ tòm hìu jàm, ai Hìu Jum Goh kư̆ jơh nùs hòi dan mơ Yàng Tom Trồ sùm khai in.

6Tòm mang lài mơ ngai Herôt neh lơh nền tơlik Pier nàng cahrña, gen khai ơm bic digùl bàr nă cau ling mơ kòl kơt mơ bàr dang che sreng, mơ di bơr mpồng hìu jàm gơs cau ling kơp gàr. 7Nisơna gơs dô nă cau gơnrơh Yàng dê tơlik să, mơ gơs bơta àng sòl gơcrà tòm hìu jàm. Cau gơnrơh tur di wĕ Pier, pơrlai khai guh mơ đơs lah: “Guh tĕ mhar;” gen che sreng gơrung mo bơh di tê khai. 8Cau gơnrơh đơs lah: “Kơt tĕ but mơ jă tĕ gơltau jă.” Pier lơh jat behơ̆. Cau gơnrơh đơs tai lah: “Soh tĕ ào jrùh nàng lòt jat añ.” 9Pier lòt jat mơ ò git bơta cau gơnrơh lơh hơ̆ la ngan, mơya tồnlah gŏ bơta gơtơnggŏ gơ dê. 10Tòm tŭ neh sơrlèt rlau di tiah kơp sơnròp mơ tiah kơp bàr, gen tus hơ mpồng lòs, la mpồng mut song tòm ƀòn dờng; mpồng hơ̆ gơ pò is bol khai in, lồc behơ̆ bol khai lik mơ lòt tòm gùng me, gen tŭ hơ̆ mo cau gơnrơh lòi is Pier.

11Gen Pier kah wơl mơ đơs lah: “Tŭ do añ git nền ngan Yàng neh sồr cau gơnrơh Kơnràñ dê lòt dong tă añ lik klàs bơh di tê Herôt mơ bơta kơp gơn làng bol Juda dê.” 12Tòm tŭ khai dòp git bơta hơ̆, gen lòt tus hơ hìu Mari, mè Jang dê, kung sơnđan la Mak, la tiah gơs oă cau pơjum bal mơ hòi dan. 13Khai teh mpồng bơdìh, gen dô nă dĭ ùr sơnđan la Rôda lòt tus iat. 14Khai git đal sap đơs Pier dê gen khai hòn chò ngan, tian gơs hŭi ò pò mpồng, mơya ntoat mut yal lah Pier ơm ntào di bơr mpồng. 15Bol khai đơs lah: “Ai sơnrang.” Mơya khai đơs nền lah hơ̆ la ngan. Bol hơ̆ đơs lah: “Hơ̆ la cau gơnrơh khai dê.” 16Mơya Pier kư̆ teh mpồng. Dơ̆ bol khai pò mpồng gŏ Pier, gen ai lơh crih crài. 17Mơya khai ai tê lơh tềl sồr ală bol hơ̆ ơm mŏ mŏ, lồc behơ̆ khai yal wơl ală bol hơ̆ in mbe lơi Yàng neh dong khai klàs bơh hìu jàm, mơ khai đơs lah: “Yal tĕ Jakơ mơ ală oh mi in git bơta do.” Lồc behơ̆, khai lik lòt tiah ndai.

18Tus àng drim hìng, tòm mpồl ling gơs bơta sơlồng sơlàng ngan, bơh bol khai ò git broă lơi neh gơlik gơs Pier in. 19Bơtau Herôt sồr lòt jòi Pier, mơya jòi ò bàn, gen khào lùp ală cau ling kơp gàr, lồc behơ̆ sồr cau tơnchơt bol khai. Tơnơ̆ hơ̆ bơtau lòt bơh Jude mù hơ Sesare mơ ơm tềng hơ̆.

Bơtau Herôt chơt

20Tŭ hơ̆, bơtau Herôt gơhào gơjrañ ngan di làng bol Tirơ mơ làng bol Sidôn. Behơ̆, bol khai gơs dô nùs bal lòt tus hơ cau bơtau. Tơnơ̆ mơ tŭ neh lơh niam nùs Blastus la cau kwang dờng ơm rềp mơ cau bơtau nàng dan tòmsòr bal, tài bơh lơgar bol khai kư̆ kơnòm sa di lơgar cau bơtau dê. 21Tus di ngai neh lơh nền, Herôt soh ào bơtau, nggui di sơbàn, tòmbơhbơr mơ làng bol. 22Bol khai hòi driau lah: “Hơ̆ la jơnau đơs dô nă yàng dê, ò di la jơnau đơs kòn mơnus dê.” 23Tŭ hơ̆ mo dô nă cau gơnrơh Yàng dê lơh Herôt, tài bơh khai ò lòi bơta gơklŏ Yàng Tom Trồ in, bơtau kòl tu sa cuh mơ chơt tơn.

24Tŭ hơ̆, jơnau Yàng Tom Trồ kư̆ pò ơnàng mơ gơbơtơl tai sơlo ngai sơlo bơtào tơngguh. 25Banaba mơ Sol neh lơh sir gơnoar broă he dê rau, gen bơh Jerusalem rê wơl hơ Antiôt cèng bal Jang, kung sơnđan la Mak.

Obecnie wybrane:

Broă 12: KPM2018

Podkreślenie

Udostępnij

Kopiuj