तपाईँको उत्तम लगानी!नमूना

"नियमित रूपमा बाइबल अध्ययन गर्नुहोस्"

हामी मध्ये धेरैजसो सहमत हुनेछौं कि बाइबलले धेरै पढ्ने सामग्री प्रदान गर्दछ - जसमध्ये केही कहिलेकाहीं अत्यधिक र अस्पष्ट लाग्न सक्छ। यहाँ बाइबलको बारेमा केही तथ्यहरू छन् जसले तपाईँलाई एउटा ढाँचा र राम्रो बुझाइको साथ तपाईँको पढ्ने समय बेला अवलोकन गर्न मद्दत गर्नेछ।

पहिलो, तपाईँले बाइबललाई दुई खण्डमा विभाजन गरिएको पाउनुहुनेछ:

पुरानो करार संसारको सृष्टि, इस्राएलका मानिसहरूको इतिहास - एक राष्ट्रको रूपमा तिनीहरूको पराजय, शत्रुहरूद्वारा परिणामस्वरूप दासत्व, र अन्ततः एक पटक फेरि यरूशलेम कब्जा गर्नको लागि तिनीहरूको फर्काइ सहित ख्रीष्टको जन्म भन्दा सयौँ वर्ष पहिलेको लेखहरूको सङ्कलन हो। पुरानो करार पनि इस्राएलका मानिसहरूलाई परमेश्वरको व्यवस्था हो।

नयाँ करार भनेको येशुको जन्म हुनुभन्दा ठीक अघि सुरु भएको, उहाँको जीवन र सेवकाई, उहाँको मृत्यु र हाम्रो मुक्तिदाताको रूपमा पुनरुत्थान, र अन्ततः संसारभर उहाँको मण्डलीको स्थापना र विस्तारलाई निरन्तरता दिने लेखहरूको सङ्कलन हो। नयाँ करारमा प्रकट भएको अनुग्रहद्वारा ख्रीष्टमा भएको स्वतन्त्रताको सन्देशले पुरानो करारमा लगाइएका विधीहरूको आवश्यकतालाई तृप्त गर्दछ र प्रतिस्थापन गर्दछ।

दोस्रो, र सामान्यतया भन्नुपर्दा, त्यहाँ तीन प्रकारका लेखहरू छन् जुन तपाईँले बाइबलमा पुरानो र नयाँ करारहरूमा भेट्टाउनुहुनेछ:

ऐतिहासिक लेख - लेखहरू जसले सत्य कथा बताउँछ र मानिसहरू र महत्त्वपूर्ण घटनाहरूको महत्त्वपूर्ण ऐतिहासिक परिप्रेक्ष्य दिन्छ।

निर्देशात्मक लेख - पुस्तकहरू र पदहरू जसले ख्रीष्टियान जीवनका धेरै पक्षहरू, मण्डली सङ्गठन र व्यक्तिगत र पारिवारिक मामिलाहरूमा विशेष रूपमा घटनाहरूको कुनै ऐतिहासिक विवरण प्रदान नगरी निर्देशन प्रदान गर्दछ।

प्रेरणात्मक लेख - लेखकबाट पाठकलाई प्रोत्साहन, उत्थान र भावना व्यक्त गर्न तयार गरिएको काव्य, कलात्मक लेखन।

येशुको जीवन र सेवाको ऐतिहासिक विवरण प्रदान गर्ने नयाँ करारका लेखहरू मत्ती, मर्कूस, लूका र यूहन्ना हुन्। यी चार पुस्तकहरूलाई सुसमाचारको पुस्तक पनि भनिन्छ। प्रेरितको पुस्तक नयाँ करारको अर्को ऐतिहासिक पुस्तक हो जसले येशुको मृत्यु र पुनरुत्थान पछि ख्रीष्टियान मण्डलीको स्थापना र विस्तारको वर्णन गर्दछ।

नयाँ करारका पुस्तकहरू जसले निर्देशनात्मक लेखनहरू प्रतिनिधित्व गर्दछन् ती रोमी देखि यहूदा सम्म हुन्। यी मण्डलीका अगुवाहरूका वास्तविक पत्रहरू हुन् जुन संसारभरका अन्य ख्रीष्टियानहरू र मण्डलीहरूलाई सल्लाह र निर्देशन दिन्छन्।

पुरानो करारको पुस्तक भजनसंग्रह प्रेरणादायी लेखनको उत्कृष्ट उदाहरण हो। तल एउटा भजनसङ्ग्रहबाट प्रेरणा दिइएको छ जसले हामीलाई परमेश्वरको वचनलाई नियमित रूपमा आफ्नो जीवनमा लगानी गर्नेहरूलाई परमेश्वरले दिनुहुने आशिष्‌हरूको निश्चयता दिन्छ।

“तर परमप्रभुको व्‍यवस्‍थामा नै त्‍यो खुशी रहन्‍छ,

र त्‍यसले दिनरात उहाँकै व्‍यवस्‍थामा मनन गर्छ।

3त्‍यो खोलाको किनारमा रोपेको बोटजस्‍तै हुन्‍छ, जसले आफ्‍नो ऋतुमा फल दिन्‍छ, अनि जसको पात कहिल्‍यै ओइलाउँदैन।

त्‍यसले जे पनि गर्छ, त्‍यसमा त्‍यो सफल हुन्‍छ।" भजन संग्रह १:२-३

हाम्रो जीवनमा परमेश्वरको वचनको बीउ रोप्न, हामीले बाइबल अध्ययनलाई हाम्रो दैनिक दिनचर्याको एक भाग बनाउन आवश्यक छ। तपाईँको जीवनमा परमेश्वरको वचनको बीउ फुल्ने बित्तिकै उहाँका आशिषहरू अझ स्पष्ट हुनेछन्। खडेरी र कठिनाइको मौसममा पनि तपाईँलाई सम्हाल्न उहाँको वचनबाट तपाईँले सामर्थ्य प्राप्त गर्नुहुनेछ।