तपाईँको उत्तम लगानी!नमूना

"प्रतिफलको निश्चयता!"

आजको संसारमा यो कथनले कतिजनामा चासोहरू बढाउँछ र केहीमा शङ्काहरू पनि। तर त्यहाँ एक सार्वभौमिक नियम छ जुन जीवनको लगभग हरेक पक्षमा लागू हुन्छ: बीउको समय र फसलको नियम, वा अझ सरल रूपमा भन्नुपर्दा, "जे रोपिन्छ त्यसैको कटनी गरिन्छ।"

तपाईँले पहिले बीउ रोप्नुभएन भने तपाईँले फसल काट्न सक्नुहुन्न। तपाईँले पहिलो लगानी नगरेसम्म प्रतिफल प्राप्त गर्न सक्नुहुन्न। जबसम्म तपाईँले खरिद गर्नुहुन्न तपाईँले उत्पादन वा सेवाको फाइदाहरू प्राप्त गर्न सक्नुहुन्न । सन्तुलित आहार र नियमित व्यायाम बिना शारीरिक स्वास्थ्य कायम राख्न सकिँदैन। र यी सबै उदाहरणहरूको साथ, प्राप्त प्रतिफल भने गुणस्तर वा दिइएको रकमको समानुपातिक हुन्छ।

यही व्यवस्था परमेश्वरसँगको हाम्रो सम्बन्धमा पनि लागू हुन्छ। जबसम्म हामीले त्यो फसल उत्पादन गर्ने बीउ रोप्दैनौं तबसम्म हामीले परमेश्‍वरसँगको तृप्त र आशिषको यात्रा कटनी गर्न सक्दैनौं। सुसमाचार यो हो कि परमेश्वरले राम्रो बीउ हामीलाई सजिलै उपलब्ध गराउनुभएको छ - यसलाई उहाँको वचन, बाइबल भनिन्छ। हाम्रो जीवनमा उदारतापूर्वक परमेश्वरको वचन रोप्नाले हामीलाई त्यो लगानीमा प्रशस्त प्रतिफलको निश्चयता दिन्छ।