तपाईँको उत्तम लगानी!नमूना

"बाइबलको समष्टिगत अवलोकन"

बाइबल कालातीत सिद्धान्तहरू, स्पष्ट निर्देशनहरू र ख्रीष्टियानको रूपमा सन्तुलित, तृप्त र आशिषित जीवन बिताउने सान्दर्भिक उदाहरणहरूले भरिएको छ। वास्तवमा, परमेश्वरको वचन कहिले पनि अप्रासंगिक थिएन, न त कहिल्यै पनि अप्रासंगिक हुनेछ चाहे समय र मौसमहरू परिवर्तनशील किन नहोस्, र हाम्रो जीवनको लागि परमेश्वरको उद्देश्य पूरा गर्न हामीलाई तयार गर्न र सुसज्जित गर्न उपलब्ध छ।

"सम्‍पूर्ण पवित्र-शास्‍त्र परमेश्‍वरको प्रेरणाबाट भएको हो, र यो सिकाउनलाई, अर्ती दिनलाई, सच्‍याउनलाई, धार्मिकतामा तालीम दिनलाई लाभदायक हुन्‍छ, ताकि परमेश्‍वरको जन हरेक सुकर्ममा पूर्ण रूपले सुसज्‍जित भई सिद्ध भएको होस्‌।" २ तिमोथी ३:१६-१७

बाइबललाई परमेश्वरको आत्मीय लिखित अभिव्यक्ति र उहाँले मानवजातिलाई प्रतिनिधित्व गर्ने सबै कुराको रूपमा मान्न सकिन्छ। यसको अर्थ के हो भनेर परिभाषित गर्न मद्दतका लागि तल केही बुँदाहरू छन्:

१ - बाइबल परमेश्वरको प्रेमको मूर्त अभिव्यक्ति हो। यसले उहाँका गुणहरू र चरित्र, उहाँको सञ्चार र आज्ञाहरू, र अन्ततः संसारमा जिएका प्रत्येक व्यक्तिको लागि उहाँको प्रेमको पूर्ण अभिव्यक्तिको बारेमा बोल्छ।

२ - बाइबल परमेश्वरद्वारा प्रेरित छ। बाइबलका ६६ वटा पुस्तकहरू भौतिक रूपमा धेरै लेखकहरूले लेखेका भए तापनि प्रत्येक व्यक्तिले आफूले लेखेका कुराहरू लेख्नको लागि पवित्र आत्माद्वारा प्रत्यक्ष रूपमा परमेश्वरबाट प्रेरित थिए।

३ - बाइबल हाम्रो जीवनको लागि परमेश्वरको अख्तियार हो। अन्तमा, किनकि बाइबल मानवजातिको लागि परमेश्वरको "पत्रहरू" हो, र यसमा समावेश लेखहरू उहाँद्वारा प्रेरित छ, उहाँको वचनले हाम्रो जीवनमा उहाँकै सरह अख्तियार राख्दछ।

परमेश्वरको वचन हाम्रो आत्मिक वृद्धि र उहाँमा परिपक्वताको सबैभन्दा महत्त्वपूर्ण आधारहरू मध्ये एक हो। हाम्रो जीवनमा परमेश्‍वरको वचनको बीउलाई पूर्णतया फस्टाउन दिनको लागि, हामीले ती बीउहरूलाई पढेर, यसबारे हाम्रो बुझाइ विकास गरेर र त्यसपछि यसलाई हाम्रो जीवनमा लागू गरेर रोप्नुपर्छ।