परमेश्‍वरलाई धेरै माया गर्नुहोस्: डर र चिन्तानमूना

हामी मध्ये धेरैले यस्तो समयबाट गुज्रेका छौँ जब डरको पकडले हाम्रो जीवनको सबै आनन्दलाई निसासिएको जस्तो देखिन्छ। डरले हामीलाई रमाइलो गर्ने कामहरू गर्न रोक्छ। यसले हामीलाई महत्त्वपूर्ण सम्बन्धहरूलाई बेवास्ता गर्न भूमिका खेल्छ। यदि हामीले यसलाई हाम्रा दिनहरू नियन्त्रण गर्न दियौंँ भने डरले हामीमाथि ठूलो शक्ति राख्न सक्छ।

डरको शक्तिसँग लड्नको लागि, हामीले परमेश्‍वरलाई डरभन्दा शक्तिशाली हुनुहुन्छ भनी बुझ्नुपर्छ। जब अय्यूब आफ्नो दु:खको बीचमा थिए, प्रभुले अय्यूबलाई सृष्टिमा उहाँको महान् शक्तिको सम्झना गराउनुभयो। अय्यूब आफ्नो परिस्थितिमा शक्तिहीन हुँदा पनि, परमेश्‍वर नियन्त्रणमा रहनुभयो।

तपाईले आफ्नो जीवनको परिस्थितिमा कहिले शक्तिहीन महसुस गर्नुभएको छ? जब हामी जीवनमा कठिनाइहरूको सामना गर्छौँ तब हामी अय्यूब जस्तो महसुस गर्न सक्छौँ। परमेश्‍वरको शक्ति र अधिकारमा हाम्रो आशा र भरोसा राख्दा हामीलाई हाम्रो डरसँग लड्न बल मिल्छ।

हे परमेश्‍वर पिता, तपाईको शक्तिको लागि धन्यवाद। मलाई शङ्का गरेको समयको लागि क्षमा गर्नुहोस्। मलाई तपाईको सृष्टि र मेरो जीवनमा तपाईको शक्ति देख्न मद्दत गर्नुहोस्। तपाईले मेरो जीवनमा राम्रोको लागि जसरी काम गरिरहनुभएको छ त्यसको लागी धन्यवाद। आमेन।