भजनसंग्रह 66:13-20
भजनसंग्रह 66:13-20 नेपाली नयाँ संशोधित संस्करण (NNRV)
म तपाईंको मन्दिरमा होमबलिसहित आउनेछु, र तपाईंसित गरेका भाकल पूरा गर्नेछु— म कष्टमा भएको समयमा, मेरा ओठले प्रतिज्ञा गरेका तथा मेरो मुखले उच्चारण गरेका भाकल। म तपाईंलाई मोटा पशुहरू बलिदान चढ़ाउनेछु, र भेड़ाहरूको बलि। म साँढ़े र बोकाहरू चढ़ाउनेछु। सेला परमेश्वरसित डराउनेहरू सबै आओ र सुन, उहाँले मेरो निम्ति के गर्नुभयो मलाई भन्न देओ। मैले मेरो मुखले उहाँलाई पुकारें, र मेरो जिब्रोबाट उहाँको स्तुति भयो। यदि मैले मेरो हृदयमा अधर्मलाई आश्रय दिएको भए, परमेश्वरले सुन्नुहुनेथिएन। तर साँच्ची नै परमेश्वरले सुन्नुभएको छ, उहाँले मेरो प्रार्थनाका शब्दहरूमाथि ध्यान दिनुभएको छ। परमेश्वरलाई महिमा होस्, जसले मेरो प्रार्थना अस्वीकार गर्नुभएको छैन, न त मबाट उहाँको प्रेम हटाउनुभएको छ।
भजनसंग्रह 66:13-20 नेपाली नयाँ संशोधित संस्करण (NNRV)
म तपाईंको मन्दिरमा होमबलिसहित आउनेछु, र तपाईंसित गरेका भाकल पूरा गर्नेछु— म कष्टमा भएको समयमा, मेरा ओठले प्रतिज्ञा गरेका तथा मेरो मुखले उच्चारण गरेका भाकल। म तपाईंलाई मोटा पशुहरू बलिदान चढ़ाउनेछु, र भेड़ाहरूको बलि। म साँढ़े र बोकाहरू चढ़ाउनेछु। सेला परमेश्वरसित डराउनेहरू सबै आओ र सुन, उहाँले मेरो निम्ति के गर्नुभयो मलाई भन्न देओ। मैले मेरो मुखले उहाँलाई पुकारें, र मेरो जिब्रोबाट उहाँको स्तुति भयो। यदि मैले मेरो हृदयमा अधर्मलाई आश्रय दिएको भए, परमेश्वरले सुन्नुहुनेथिएन। तर साँच्ची नै परमेश्वरले सुन्नुभएको छ, उहाँले मेरो प्रार्थनाका शब्दहरूमाथि ध्यान दिनुभएको छ। परमेश्वरलाई महिमा होस्, जसले मेरो प्रार्थना अस्वीकार गर्नुभएको छैन, न त मबाट उहाँको प्रेम हटाउनुभएको छ।
भजनसंग्रह 66:13-20 पवित्र बाइबल, नेपाली समकालीन संस्करण (NCV)
म तपाईंको मन्दिरमा होमबलि सहित आउनेछु; र तपाईंसँग गरेका मेरा भाकलहरू पूरा गर्नेछु। जब म सङ्कष्टमा थिएँ, मेरा ओठले प्रतिज्ञा गरेका र मेरो मुखले बोलेका भाकलहरू म पूरा गर्नेछु। म तपाईंलाई मोटा पशुहरूको बलिदान चढाउनेछु; र भेडाहरूको भेटी चढाउनेछु; म बहरहरू र बोकाहरू चढाउनेछु। सेला हे परमेश्वरको भय मान्नेहरू हो, सबै आओ र सुन; उहाँले मेरो निम्ति के गर्नुभएको छ, सो म तिमीहरूलाई बताउनेछु। मेरो मुखले उहाँलाई सहायताको निम्ति पुकारेँ; उहाँको प्रशंसा मेरो जिब्रोमा थियो। यदि मेरो हृदयमा मैले पापलाई ठाउँ दिएको भए, प्रभुले मेरो बिन्ती सुन्नुहुने थिएन; तर परमेश्वरले साँच्चै नै सुन्नुभएको छ; र उहाँले मेरो प्रार्थना सुन्नुभएको छ। परमेश्वरलाई प्रशंसा होस्, जसले मेरो प्रार्थना इन्कार गर्नुभएको छैन, वा मबाट उहाँको अचुक प्रेम रोक्नुभएको छैन!
भजनसंग्रह 66:13-20 पवित्र बाइबल (NERV)
यसैकारण, म तपाईंको मन्दिरमा होमबलि अर्पण गर्नेछु। जब-जब म सङ्कटमा परें तब तपाईंको सहयोग मागें। मैले तपाईंसँग प्रतिज्ञाहरू गरेको थिएँ। अब, म तपाईंलाई ती चीजहरू दिइरहेछु जुन मैले प्रतिज्ञा गरेथें। म तपाईंलाई पापमय बलिहरू अर्पण गर्नेछु, म तपाईंलाई भेंडाहरू सहित धूपहरू चढाउँने छु, म साँढेहरू र बाख्राहरू चढाउने छु। तिमीहरू सबैले परमेश्वरको उपासना गरिरहने छौ। आऊ, अनि म तिमीहरूलाई भन्ने छु परमेश्वरले मेरो निम्ति के गर्नुभयो। मैले उहाँलाई प्रार्थना गरें, र मेरो जिब्रोबाट उहाँको गुणगान गरें। मेरो हृदय शुद्ध थियो, यसैले मेरो स्वामीले मलाई सुन्नुभयो। परमेश्वरले मलाई सुन्नुभयो। परमेश्वरले मेरो प्रार्थना सुन्नुभयो। परमेश्वरको प्रशंसा गर! परमेश्वर मबाट विमुख हुनु भएन, उहाँले मेरो प्रर्थाना सुन्नुभयो। उहाँले आफ्नो प्रेम मलाई दर्शाउनु भयो।
भजनसंग्रह 66:13-20 सरल नेपाली पवित्र बाइबल (सरल नेपाली)
म तपाईंको भवनमा होमबलि चढाउनेछु, मैले प्रतिज्ञा गरेको भेटी म तपाईंलाई चढाउनेछु। म सङ्कष्टमा छँदा तपाईंलाई भाकल गरेको भेटी म चढाउनेछु। म वेदीमा होमबलिको निम्ति भेडा चढाउनेछु, म साँढे र बोकाको बलि चढाउनेछु र त्यसका धुवाँ आकाशसम्म पुग्नेछ। हे परमेश्वरलाई आदर गर्ने मानिसहरू हो! आओ र सुन! उहाँले मेरो निम्ति के गर्नुभयो, म भन्नेछु। मैले उहाँलाई सहायताको लागि पुकारें, मैले भजन गाएर उहाँको प्रशंसा गरें। मैले आफ्नो पापको वास्ता नगरेको भए परमप्रभुले मेरो बिन्ती सुन्नुहुनेथिएन। तर परमेश्वरले साँच्चै मेरो कुरा सुन्नुभएको छ; उहाँले मेरो प्रार्थना सुन्नुभएको छ। म परमेश्वरको प्रशंसा गर्दछु किनभने उहाँले मेरो प्रार्थना अस्वीकार गर्नुभएन अथवा मलाई अनन्त प्रेम गर्न छोड्नुभएको छैन।