भजनसंग्रह 63:2-5
भजनसंग्रह 63:2-5 नेपाली नयाँ संशोधित संस्करण (NNRV)
मैले तपाईंलाई पवित्रस्थानमा देखेको छु, र तपाईंको शक्ति र महिमा देखें। तपाईंको प्रेम जीवनभन्दा श्रेष्ठ छ, यसकारण मेरा ओठले तपाईंको महिमा गर्नेछन्। म मेरो जीवनभरि नै तपाईंको प्रशंसा गर्नेछु, र तपाईंको नाउँमा म आफ्ना हात उचाल्नेछु। असल भोजनले झैँ मेरो प्राण तृप्त हुनेछ, मेरो मुखले सङ्गीतमय ओठसित तपाईंको प्रशंसा गर्नेछ।
भजनसंग्रह 63:2-5 पवित्र बाइबल, नेपाली समकालीन संस्करण (NCV)
पवित्रस्थानमा मैले तपाईंको दर्शन गरेको छु, र तपाईंको शक्ति र महिमालाई देखेको छु। तपाईंको अचुक प्रेम जीवनभन्दा पनि उत्तम छ; यसैले मेरा ओठले तपाईंको महिमा गर्नेछ। मेरो जीवनभरि नै म तपाईंको प्रशंसा गर्नेछु, र तपाईंको नाममा म मेरो हात उचाल्नेछु। मेरो प्राण अति उत्तम भोजनझैँ पूर्ण रूपमा सन्तुष्ट हुनेछ; स्तुतिगान गाउँदै मेरो मुखले तपाईंको प्रशंसा गर्नेछ।
भजनसंग्रह 63:2-5 पवित्र बाइबल (NERV)
हो, मैले तपाईंलाई तपाईंको मन्दिरमा देखेको छु। मैले तपाईंको शक्ति र महिमा देखेको छु। तपाईंको स्नेहपूर्ण करूणा जीवनभन्दा श्रेष्ठ छ। मेरो ओंठले तपाईंको प्रशंसा गाउँदछ। हो, म तपाईंको प्रशंसा तपाईंको नाउँमा, म मेरो दुइ हात जोडेर जीवन भर प्रशंसा गर्नेछु। मानौं मैले उत्तम खाना खाए जस्तो मनभरि तृप्ति हुनेछु। अनि मेरो प्रफुल्लित ओंठले तपाईंकै गुण गाउँनेछ।
भजनसंग्रह 63:2-5 सरल नेपाली पवित्र बाइबल (सरल नेपाली)
तपाईंको पवित्रस्थानमा मैले तपाईंको दर्शन पाऊँ। तपाईं कति शक्तिशाली र महिमापूर्ण हुनुहुन्छ, सो देख्न पाऊँ। तपाईंको अनन्त प्रेम प्राणभन्दा असल छ, यसैले म तपाईंको प्रशंसा गर्नेछु। म बाँचुञ्जेल तपाईंलाई धन्यवाद चढाउनेछु, म प्रार्थनामा तपाईंतिर आफ्ना हात उचाल्नेछु। मेरा प्राण भोजनले अघाउनेछ। म तपाईंको प्रशंसाको भजन गर्दै आनन्दले गाउनेछु।