Luka 3
3
Nkǝr Labarǝr Hyal nǝr Yawhana Ndǝr 'Ya Bamtizǝma
(Mat 3:2-12; Mar 1:1-8; Yaw 1:19-28)
1Akwa fá kumɛ kapu ntufukur nǝr 'ya kuhyikur Kaisar Tibariyus—sakatǝ Pauntiyus Pǝlatus ani gwamnar diyir Yahudiya, Hirudus dzǝ dza kuhyir Galili, zǝrangǝri Filibusu ani kuhyir Ituriya ba Tǝrakaunitis, ba Lisaniyas dzǝ dza kuhyir Abiliya— 2Akwa sakatǝ Hanas ba Kayafas tǝ dar ani kuhyir fǝrist, ndǝrǝr Hyal ka si ala Yawhana zǝr Zakariya akwa ntaku. 3Ani Yawhana ada nu kǝlara vui sang nam tara dlǝti nya Kyaghar Urdun, dzǝ ada nkǝr labarǝr Hyal apǝri ka ndzǝ tubi ka ndǝ 'ya ala dar bamtizǝma kadǝbar kyifǝnta bikǝr dar. 4#Isa 40:3-5Apa tǝ ndǝ tara rǝbwai akwa kakadǝr nabi Isaya apǝri,
“Kuɗaha ndɛ ada kǝga akwa ntakǝr i'ya,
‘Ɗǝmhamɛ whalɛ ala Thlaku ni;
mǝrtamɛ whal yarni daɗu alari.
5Ka ndǝ ɓuba kǝlara tsandzang,
Ka ndǝ pukǝthlǝnta kǝlara paya ba kǝlara gar ka ndǝ tǝzi.
Ka ndǝ 'yiba whal yarɛ nam mbǝgalmbǝgali,
Ka ndǝ mǝrti whal yarɛ nam aka kau-kau ka dzǝ ndzai lǝɓǝr.
6Sanga ndzɛ ata wula mbatǝdzǝr Hyal.’”
7 #
Mat 12:34; 23:33 Yawhana nkǝrɛ ala hangkur ndzǝ nam ada si adzǝni kadǝbar ka dzǝ 'ya ala dar bamtizǝma, “Gǝri nam madar kyikǝhyɛ yarɛ! Wa gala tǝ gǝri ka gǝri whui ta hakar Hyal nam aghǝli ada si ni? 8#Yaw 8:33Ka gǝri ya munya nam ata tsanti tubiyir gǝri. Ba tá gǝri tá baditsǝni gha apǝri gǝri ata nkǝrɛ ala kǝr gǝri, ‘Yar aka Ibrahim apa tada yar.’ Akuya Yi ada gha ala gǝri apǝri Hyal ata mǝzi mǝrti madar ala Ibrahim aka paya yarni. 9#Mat 7:19Ndǝ kǝ kurta vǝdzɛ hyira dalma ala kugiva fu yarɛ, kǝlara fwɛ nam kura ada ya madar nam ɗaku ndǝ ata dlǝnta ka ndǝ ɗalu tǝni akwa u'u.”
10Ani hangkur ndzǝ ni ka yu tǝni apǝri, “Mǝ tǝ yar awa 'ya dzá?”
11Yawhana sǝnau ka nkǝrɛ ala dar apǝri, “Kǝlara ndǝ nam aka lǝkutu sǝɗɛ, ka dar ndǝghǝi aka ndǝ nam kura akǝri, ba ndǝ nam aka sǝr sǝm ma ka dzǝ 'ya tsu apani.”
12 #
Luk 7:29
Ndzǝr dlu tsǝmɛ yarɛ yɛ ka si akuya ka ndǝ 'ya ala dar bamtizǝma. Dar ka yu tǝni, “Malǝm, mǝ tǝ yar awa 'ya?”
13Dzǝ ka nkǝrɛ ala dar, “Ta gǝri ta dlu sǝ hang ta nam tǝ ndǝ tara gha ala gǝri ka gǝri tsǝmɛ.”
14Antǝ saudza yarɛ laka ka yu tǝni, “Ama yar, mi tǝ yar awa 'ya?”
Dzǝ ka nkǝrɛ ala dar, “Ta gǝri ta thlakǝr kwapa ala ndzǝ tǝ dǝna ka dar la gǝri mai, ba ta gǝri ta nkǝrɛ apǝri ndǝ sǝwati su ma kura dzǝri. Ka sǝ nam tǝ ndɛ ada nkyǝ tǝ gǝri mǝzi tǝ gǝri.”
15Ndzǝ yarɛ ni dar ada sǝkɛ apǝri Kǝrsti Ndǝr Mbati ata si ba dar sang ada ɗǝnga akwa ɗǝfa dar wala Yawhana ani Kǝrsti ni. 16Yawhana ka nkǝrɛ ala dar sang apǝri, “Yi ada 'ya ala gǝri bamtizǝma aka yimi, ama ndǝ laka adai ata si tara kwatsǝni tǝra aka nggakur. Yi ta mǝzi ka Yi mpǝli sǝwur ɓǝɓaiyirni ma wɛ. Dzǝ ata 'ya ala gǝri bamtizǝma aka Mambǝl Kartǝ ba aka u'u. 17Dzǝ aka sǝr puhǝrni akwa tsiyari, akuya ka dzǝ puhǝba munyari, ka dzǝ tsaɓtsǝni lǝkamarni ka pu akwa bi, ba dzǝ ata mbanta tsatsangari aka u'u nam kura ada tsidzi.” 18Aka labar yarɛ damwa nam hang Yawhana 'ya ala ndzi gala ba nkǝr ndǝrǝr Hyal nam sǝɗa ala dar.
19 #
Mat 14:3,4; Mar 6:17,18 Ama sakatǝ Yawhana tara ɗǝmnya ala gumna Hirudus, kadǝbar tǝ dzǝ tara kǝtǝ Hiraudiya, mwalar zǝrangǝri Filibusu, ba sǝ yarɛ nam kulɗa-kulɗa tǝ dzǝ tara 'yati, 20ata dǝnta, Hirudus ɓakta dzakti sǝwati sǝ nam ɓwal: Dzǝ ngǝti Yawhana ka hau akwa fǝrsǝna.
Bamtizǝma ba Thlǝma Kaká Kakár Yɛsu
(Mat 3:13-17; Mar 1:9-11)
21Aghǝla tǝ ndǝ kurai 'ya bamtizǝma ala sanga ndzi, ndǝ ka 'ya ala Yɛsu dzǝ ma. Tǝ dzǝ ata kǝra 'ya aduwa, ani atahyal ka mburntadzi, 22#Bad 22:2; Zab 2:7; Isa 42:1; Mat 3:17; Mar 1:11; Luk 9:35ba Mambǝl Kartǝ sǝgǝl ata kǝrari akwa dzɛ apa par adlakukyala. Ba kuɗahɛ hyati atahyal ka si ada nkǝrɛ: “Gǝ Zǝrana, nam tǝ Yi yiɗɛ; ɗǝfawai sǝɗa alai kadǝbar ka gɛ.”#3:22 Laka rǝbwar tsai yarɛ nam watsi dar aka, Gǝ Zǝrna, asǝna Yi kǝ ndzai Babar ngɛ.
23Sakatǝ Yɛsu tara baditsǝni kǝthlǝrǝrni nǝr Hyal, dzǝ aka fá kudzǝghɛ aka makǝr thlani akwa dunya. Ndzǝ kǝtǝ tǝni apǝri dzǝ zǝr Yusufu,
nam tǝ dzǝ ani zǝr Hɛli, 24Hɛli zǝr Matat,
Matat zǝr Lawi, Lawi zǝr Malki,
Malki zǝr Dzanai, Dzanai zǝr Yusufu,
25Yusufu zǝr Matathliyas, Matathliyas zǝr Amwasu,
Amwasu zǝr Nahum, Nahum zǝr Isili,
Isili zǝr Nagai, 26Nagai zǝr Mathlu,
Mathlu zǝr Matathliyas, Matathliyas zǝr Simin,
Simin zǝr Dzausak, Dzausak zǝr Yahuda,
27Yahuda zǝr Dzawanan, Dzawanan zǝr Risa,
Risa zǝr Zirubabɛl, Zarubabɛl zǝr Siltiyal,
Siltiyal zǝr Niri, 28Niri Zǝr Malki,
Malki zǝr Adi, Adi zǝr Kwasama,
Kwasama zǝr Almadama, Almadama zǝr Ir,
29Ir zǝr Dzasuwa, Dzasuwa zǝr Iliyazar,
Iliyazar zǝr Dzaurim, Dzaurim zǝr Matat,
Matat zǝr Lawi, 30Lawi zǝr Simiyaun,
Simiyaun zǝr Yahuda, Yahuda zǝr Yusufu,
Yusufu zǝr Dzaunam, Dzaunam zǝr Iliyakim,
31Iliyakim zǝr Maliya, Maliya zǝr Mina,
Mina zǝr Matathla, Matathla zǝr Nathlan,
Nathlan zǝr Dauda, 32Dauda zǝr Dzɛsi,
Dzɛsi zǝr Aubɛd, Aubɛd zǝr Bwasu,
Bwasu zǝr Salmaun, Salmaun zǝr Nasaun,
33Nasaun zǝr Aminadab, Aminadab zǝr Ram,
Ram zǝr Hizǝraun, Hizǝraun zǝr Farisa,
Farisa zǝr Yahuda, 34Yahuza zǝr Yakubu,
Yakubu zǝr Isaku, Isaku zǝr Ibrahim,
Ibrahim zǝr Tɛra, Tɛra zǝr Nahaur,
35Nahaur zǝr Sirug, Sirug zǝr Rǝyu,
Rǝyu zǝr Pɛlɛg, Pɛlɛg zǝr Iba,
Iba zǝr Sala, 36Sala zǝr Kainan,
Kainan zǝr Arfazad, Arfazad zǝr Sam,
Sam zǝr Nuhu, Nuhu zǝr Lamaku,
37Lamaku zǝr Mithlusala, Mithlusala zǝr Inaku,
Inaku zǝr Dzarid, Dzarid zǝr Mahalalɛl,
Mahalalɛl zǝr Kainan, 38Kainan zǝr Inausu,
Inausu zǝr Situ, Situ zǝr Adambu,
Adambu tsuwɛ zǝr Hyal.
अहिले सेलेक्ट गरिएको:
Luka 3: CKL
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©2023 Seed Company in collaboration with Language Developers and Bible Translators Association
