भजनसंग्रह 147:7-11

परमप्रभुलाई प्रशंसाको स्‍तुति गर, हाम्रा परमेश्‍वरलाई वीणाको सङ्गीत सुनाओ! उहाँले आकाशमा बादल फैलाउनुहुन्‍छ, उहाँले पृथ्‍वीमा वर्षा ल्‍याउनुहुन्‍छ र डाँडाहरूमा झारपात उमार्नुहुन्‍छ। उहाँले पशुहरूलाई आहार दिनुहुन्‍छ र कागका बच्‍चाहरू कराउँदा तिनीहरूलाई उहाँले खुवाउनुहुन्‍छ। उहाँले बलिया घोडाहरूमा खुसी मान्‍नुहुन्‍न न त वीर सिपाहीहरूमा आनन्‍द मान्‍नुहुन्‍छ। तर उहाँलाई आदर गर्नेहरू र उहाँको अटुट प्रेममा भरोसा गर्नेहरूसित उहाँ खुसी हुनुहुन्‍छ।