भजनसंग्रह 147:7-11

धन्‍यवादका साथ परमप्रभुको स्‍तुति गाओ, वीणा बजाएर हाम्रा परमेश्‍वरको स्‍तुति गर। उहाँले आकाशलाई बादलले ढाक्‍नुहुन्‍छ, र पृथ्‍वीलाई वर्षा दिनुहुन्‍छ, अनि पहाड़हरूमा घाँस उमार्नुहुन्‍छ। उहाँले भोकाएका पशुहरूलाई र कागका बचेराहरूलाई आहार दिनुहुन्‍छ। उहाँ घोडाहरूको बलमा, अथवा मानिसहरूका खुट्टामा प्रसन्‍न हुनुहुन्‍न। तर परमप्रभु उहाँको भय मान्‍नेहरूसँग, र उहाँको अचूक कृपामाथि भरोसा राख्‍नेहरूसँग प्रसन्‍न हुनुहुन्‍छ।