भजनसंग्रह 105:1-6

परमप्रभुलाई धन्‍यवाद चढाओ, उहाँका महान्‌ता उच्‍च स्‍वरले प्रचार गर, उहाँले के गर्नुभएको छ, जाति-जातिहरूलाई सुनाओ। परमप्रभुको प्रशंसा गाओ, उहाँले गर्नुभएका उदेकका कामको बयान गर। हर्ष मनाओ किनकि हामी उहाँका निज प्रजा हौं, उहाँलाई पुज्‍नेहरू सबै रमाऊन्। सहायताको लागि परमप्रभुकहाँ जाओ र उहाँलाई निरन्‍तर दण्‍डवत् गर। उहाँका सेवक अब्राहामका सन्‍तान, उहाँले रोज्‍नुभएको मानिस याकूबका सन्‍तान, तिमीहरू परमेश्‍वरले गर्नुभएको आश्‍चर्यका कामहरू र उहाँले दिनुभएको न्‍यायका फैसलाहरूलाई याद गर।