भजनसंग्रह 105:1-5
भजनसंग्रह 105:1-5 नेपाली नयाँ संशोधित संस्करण (NNRV)
परमप्रभुलाई धन्यवाद चढ़ाओ, उहाँका नाउँको पुकार गर, जातिहरूका बीचमा उहाँले गर्नुभएका कार्यहरू प्रचार गर। उहाँको निम्ति गाओ, उहाँको निम्ति प्रशंसाको भजन गाओ, उहाँका सबै आश्चर्यकर्महरूको बयान गर। उहाँको पवित्र नाउँमा तिमीहरू गौरव गर, परमप्रभुलाई खोज्नेहरूका हृदय आनन्दित होऊन्। परमप्रभु र उहाँका शक्तिको खोजी गर, उहाँको दर्शन निरन्तर खोज। उहाँले गर्नुभएका अचम्मका कामहरू स्मरण गर, उहाँका आश्चर्यकर्म र उहाँले सुनाउनुभएका फैसलाहरू स्मरण गर
भजनसंग्रह 105:1-5 पवित्र बाइबल (NERV)
परमप्रभुलाई धन्यवाद देऊ, उहाँको नाउँको उपासना गर। सबै जाति-जाति मानिसहरूलाई ती अचम्भ लाग्दा कुराहरूको बारेमा भन जुन उहाँले गर्नुहुन्छ। परमप्रभु प्रति भजन गाओ, उहाँको प्रशंसा गर। उहाँले गर्नु भएको अलौकिक कुराहरूको बारेमा बताऊ जो उहाँले गर्नुहुन्छ। परमप्रभुको पवित्र नाउँमा घमण्ड गर। तिमीहरू परमप्रभुलाई खोज्दै-खोज्दै आई पुग्यौं त्यसैले अब खुशी हौ। बल पाउनुलाई परमप्रभु कहाँ जाऊ। सहायताको लागि सधैँ उहाँकोमा जाऊ। याद गर ती अचम्मका कुराहरू जुन उहाँले गर्नुहुन्छ। याद गर उहाँका आश्चर्यकामहरू साथै उहाँका बुद्धिमानी निर्णयहरू।
भजनसंग्रह 105:1-6 सरल नेपाली पवित्र बाइबल (सरल नेपाली)
परमप्रभुलाई धन्यवाद चढाओ, उहाँका महान्ता उच्च स्वरले प्रचार गर, उहाँले के गर्नुभएको छ, जाति-जातिहरूलाई सुनाओ। परमप्रभुको प्रशंसा गाओ, उहाँले गर्नुभएका उदेकका कामको बयान गर। हर्ष मनाओ किनकि हामी उहाँका निज प्रजा हौं, उहाँलाई पुज्नेहरू सबै रमाऊन्। सहायताको लागि परमप्रभुकहाँ जाओ र उहाँलाई निरन्तर दण्डवत् गर। उहाँका सेवक अब्राहामका सन्तान, उहाँले रोज्नुभएको मानिस याकूबका सन्तान, तिमीहरू परमेश्वरले गर्नुभएको आश्चर्यका कामहरू र उहाँले दिनुभएको न्यायका फैसलाहरूलाई याद गर।
