यर्मिया 17:5-9

परमप्रभु भन्‍नुहुन्‍छ, “त्‍यो मानिस श्रापित हो, जसको हृदय मदेखि तर्किजान्‍छ, जसले मानिसमा र मरिजाने मानिसको शक्तिमा भरोसा राख्‍दछ। त्‍यो मरुभूमिको एउटा पोथ्राझैँ छ, जुन सुखा र उजाड-स्‍थानमा, केही नउम्रने नुनिलो जमिनमा उम्रन्‍छ, त्‍यो कहिल्‍यै सप्रँदैन। “तर त्‍यो मानिस धन्‍य हो, जसले ममाथि भरोसा राख्‍दछ। त्‍यो खोलाको छेउमा उम्रेको रूखजस्‍तो हो, जसको जरा पानीसम्‍म फिंजिएको हुन्‍छ। गर्मीका दिनमा त्‍यसलाई डर हुँदैन किनभने त्‍यसका पातहरू सधैँभरि हरिया रहन्‍छन्। खडेरी पर्दा पनि त्‍यसलाई केही चिन्‍ता हुँदैन किनभने त्‍यसले आफ्‍ना फल दिइरहन्‍छ। “मानिसको मन कसले बुझ्‍न सक्‍छ? त्‍योजस्‍तो छली अरू केही हुँदैन, त्‍यसलाई निको पार्न सकिंदैन।