भजनसंग्रह 81:8-14

“हे मेरा प्रजा, सुन र म तिमीहरूलाई चेताउनी दिनेछु— हे इस्राएल, तिमीहरूले मेरा कुरा सुनेका भए त। तिमीहरूका बीचमा पराई देवता हुनुहुँदैन, तिमीहरू कुनै पराई देवताको अगि झुक्‍नुहुँदैन। म परमप्रभु तिमीहरूका परमेश्‍वर हुँ, जसले तिमीहरूलाई मिश्रदेशबाट निकालेर ल्‍याएँ। तिमीहरूको मुख पूरा खोल, र म त्‍यो भरिदिनेछु। तर मेरो प्रजाले मैले भनेको सुनेन। इस्राएलले मेरो अधीनमा रहन मानेन। यसकारण तिनीहरू आफ्‍नै युक्तिमा हिँडून्‌ भनेर मैले तिनीहरूलाई तिनीहरूकै मनको जिद्दीमा छोडिदिएँ। “मेरा प्रजाले मेरो सोर सुनेका भए त, इस्राएल मेरो मार्गमा हिँड़ेको भए त, म चाँड़ै तिनीहरूका शत्रुहरूलाई पराजित गर्नेथिएँ, र तिनीहरूका शत्रुहरूका विरुद्धमा म आफ्‍नो हात उठाउनेथिएँ!