भजनसंग्रह 31:21-24

परमप्रभुको स्‍तुति होस्‌, किनकि म शत्रुहरूको घेरामा परेको सहरभित्र हुँदा उहाँले आफ्‍नो उदेकको कृपा ममाथि देखाउनुभयो। आत्तिएको बेलामा मैले भनें, “तपाईंको दृष्‍टिबाट म टाढ़ा भएको छु।” तर तपाईंलाई गुहारको निम्‍ति पुकारा गर्दा, तपाईंले कृपाको निम्‍ति मेरो पुकारा सुनिदिनुभयो। हे उहाँका सबै पवित्र जन हो, परमप्रभुलाई प्रेम गर! विश्‍वास गर्नेहरूलाई परमप्रभुले रक्षा गर्नुहुन्‍छ, तर अहङ्कारीहरूलाई चाहिँ उहाँले पूरा दण्‍ड दिनुहुन्‍छ। हे परमप्रभुमा आशा राख्‍ने सबै जना हो, शक्तिशाली होओ, अनि ढाड़स गर।