बाट लोकप्रिय बाइबल पदहरू {{chapter}}

शेयर गर्नुहोस्

ती तिम्रा छोरा-छोरीहरूलाई सिकाओ। घरमा बस्‍दा वा टाढा जाँदा, विश्राम गर्दा वा काम गर्दा तिनका बारेमा चर्चा गर।

“यी आज्ञाहरूलाई याद राख र प्रेम गर। सम्‍झनाको लागि तिनलाई आफ्‍ना पाखुरामा बाँध र निधारमा लगाओ।

“यसर्थ अब मैले तिमीहरूलाई आज दिएका आज्ञाहरू मान। परमप्रभु आफ्‍ना परमेश्‍वरलाई प्रेम गर र आफ्‍नो पूरा हृदयले उहाँको सेवा गर। त्‍यसो गर्‍यौ भने चाहिएको बेलामा शरद् र वसन्‍त ऋतुमा उहाँले तिम्रा देशमा वर्षा पठाइदिनुहुनेछ र तिम्रा लागि अन्‍न, मद्य र जैतुनको तेल उब्‍जनेछन्

“परमप्रभु आफ्‍ना परमेश्‍वरलाई प्रेम गर र उहाँका नियमहरू सधैँ पालन गर।

“आज म तिमीहरूलाई आशिष् वा सराप चुन्‍ने मौका दिँदछु– मैले आज तिमीहरूलाई दिँदैगरेका परमप्रभु तिम्रा परमेश्‍वरका आज्ञाहरू मान्‍यौ भने तिमीहरूले आशिष् पाउँछौ; तर ती आज्ञाहरू मानेनौ र तिमीहरूले अघि कहिल्‍यै नपुजेका अरू देवताहरूलाई पूज्‍न मन फर्कायौ भने सराप पाउँछौ।

तिम्रा घरको ढोकाको चौकोस र मूल-ढोकाहरूमा तिनलाई लेख। तब तिमीहरू र तिम्रा छोरा-छोरीहरू परमप्रभु तिम्रा परमेश्‍वरले तिम्रा पुर्खाहरूलाई दिन्‍छु भनी प्रतिज्ञा गर्नुभएको देशमा धेरै दिनसम्‍म बाँचिरहनेछौ। जबसम्‍म पृथ्‍वीमाथि आकाश रहनेछ, तबसम्‍म तिमीहरू बाँचिरहनेछौ।

अरू देवताहरूलाई पुज्‍न र सेवा गर्नलाई तिमीहरू आफ्‍ना परमप्रभुदेखि टाढा नहोओ।