နောမိ၏ ဆုံးရှုံးခြင်းမှ မျှော်လင့်ခြင်းအကြောင်းကို သင်ယူခြင်း — ရုသဝတ္ထုမှ သင်ခန်းစာများနမူနာ

ဤမေးခွန်များဖြင့် ယနေ့၏ ကျမ်းပိုဒ်များအကြောင်းကို ဆင်ခြင်စဉ်းစားပါ

• ဤကျမ်းပိုဒ်တွင်၊ နောမိသည် ဘာရခဲ့သလဲ။
• နောမိ၏ အသိုင်းဝိုင်းသည် ဘုရားသခင်ပေးတော်မူသော ကောင်းကြီးမင်္ဂလာကို ခွဲခြားသိမြင်နိုင်စေရန် ဘယ်လိုကူညီပေးခဲ့သလဲ။

မိမိအသိုင်းဝိုင်းဖြင့် ပြုစုစောင့်ရှောက်ပေးခြင်း

နောမိသည် မိမိသားကဲ့သို့ ပြုစုစောင့်ရှောက်သော မြေးတစ်ဦးကို ရရှိခဲ့သည် (ရု၊ ၄း၁၆-၁၇)။ နောမိသည် မိမိမိသားစု၏ ပြည်၊ လူများ၏ မျက်နှာသာပေးမှု၊ လုံခြုံမှုနှင့် ဘုရင်ဒါဝိဒ်နှင့် နောက်ဆုံးတွင် အရှင်ယေရှုဘုရား ပါဝင်သည့် မျိုးရိုးမြတ်ကို ပြန်လည်ရရှိခဲ့သည် (မ၊ ၁:၅၊ ၁၆)။ ဘုရားသခင်သည် ၎င်းအရာများကို ပေးသနားတော်မူသည်။ နောမိသည် ဝမ်းနည်းပူဆွေးပြီး ရုသကိုယ်တိုင်လည်း ခင်ပွန်းဖြစ်သူနှင့် ဇာတိမြေကို ဆုံးရှုံးသော်လည်း ဘုရားသခင်သည် နောမိအဖို့ ရုသနှင့် ဗောဇတို့၏ သစ္စာရှိမေတ္တာမှတစ်ဆင့် ကောင်းကြီးမင်္ဂလာ ပေးတော်မူခဲ့သည်။

နောမိ၏ အသိုင်းအဝိုင်းသည် သူမ၏ ဆုံးရှုံးခြင်းနှင့် ဆင်းရဲဒုက္ခဝေဒနာကို ကိုယ်တိုင်မြင်ကြသည်။ ထိုသူတို့သည် ဧလိမလက်နှင့် မိမိသားနှစ်ဦးအား မောဘပြည်၌ နေထိုင်သည်ကို သိကျွမ်းကြသည် (ရု၊ ၁း၁-၂)။ ဧလိမလက်နှင့် မိမိသားနှစ်ဦး၏ အနိစ္စရောက်ခြင်းဖြင့် နောမိကို အကာအကွယ်နှင့် ထောက်ပံ့ခြင်းမရှိဘဲ ကျန်ရစ်ခဲ့သည်ကို သူတို့သိကြခဲ့သည် (ရု၊ ၁း၁၉)။

ဗောဇနှင့် ရုသတို့ ထိမ်းမြားလက်ထပ်ခြင်းအားဖြင့် နောမိ၏ မိသားစုအဆက်အနွယ်နှင့် ဓနဥစ္စာများ ပြန်လည်ထူထောင်မှုကိုလည်း အသိုင်းအဝိုင်းက မြင်ခဲ့သည် (ရု၊ ၄:၉-၁၁)။ နောမိအဖို့ သားခုနစ်ယောက်ထက် သာ၍ကောင်းသော ချွေးမတစ်ဦး (မိသားစုမျိုးရိုးဆက်ဖို့ ယဉ်ကျေးမှုအရ ပိုတန်ဖိုးရှိသည်) ကို ပေးခြင်းတည်းဟူသော မမျှာ်လင့်သောနည်းလမ်းဖြင့် ဘုရားသခင်၏ ကြည့်ရှုပြုစုခြင်းကျေးဇူးတော်ကို ပြုတော်မူပြီးဟု အသိုင်းအဝိုင်းကြွေးကြော်ခဲ့ကြသည် (ရု၊ ၄း၁၅)။

မိမိဘဝဇာတ်လမ်းအကြောင်းကို ဆင်ခြင်စဉ်းစားပါ

• ရုသသည် ဆင်းရဲဒုက္ခဝေဒနာ ကိုယ်တိုင်ခံစားသော်လည်း နောမိအဖို့ ဂရုစိုက်ပေးခဲ့ပါသည်။ မိတ်ဆွေသည် ဆင်းရဲဒုက္ခဝေဒနာခံစားရသောအခါ သူတစ်ပါးကို ဘယ်လိုဂရုစိုက်ပေးနိုင်မလဲ။
• ပြင်းထန်လှသော လောကဓံမုန်တိုင်းနှင့် ပြန်လည်ထူထောင်ရေးကာလများတွင် မိမိအနားမှာ သစ္စာရှိစွာ ရပ်တည်သော သူငယ်ချင်းများက အဘယ်သူလဲ။

နောက်တစ်ဆင့်တက်စို့

ဤအစီစဉ်သည် ချစ်မိတ်ဆွေအဖို့ အကျိုးကို ပြုစုခဲ့ပါသလား။ ဤအစီစဉ်သည် မျှော်လင့်ခြင်းပြန်တည်ထောင်သော သမ္မာကျမ်းစာမှ ရယူခဲ့ပါသည် (အမေရိကန်ကျမ်းစာအသင်း၊ ၂၀၂၂)။ ဤသည်မှာ မိမိဘဝခရီးတွင် နောက်ထပ်ခြေလှမ်းများအဖို့ အကြံဉာဏ်အချို့ဖြစ်သည်။

• ဝမ်းနည်းနေချိန်၌ မိတ်ဆွေအား ပံ့ပိုးကူညီစောင့်ရှောက်ပေးသူ တစ်ဦးဦးသို့ ကျေးဇူးတင်လွှာကို စာရေးလိုက်ပါ။
• ဤအခမဲ့မေးခွန်သုံးမျိုးအစီစဉ်“Three Questions” ကို အသုံးပြု၍၊ လုံးခြုံပြီး၊ မထီမဲ့မြင်ပြုခြင်းကင်းသော နားထောင်ခြင်းဖြင့် သူတစ်ပါး၏ ဒုက္ခဝေဒနာကို သက်သာစေပါ။