ကြောက်ရွံ့ခြင်းကိုလွှမ်းခြုံထားသော ယုံကြည်မှုနမူနာ

ပဉ္စမနေ့

ကျွန်ုပ်တို့၏ ယုံကြည်ကိုးစားခြင်းသည် ကျွန်ုပ်တို့တွင် အကြီးမားဆုံးလက်နက် ဖြစ်သည်။ ကျွန်ုပ်တို့သည် အမြဲတမ်း အစွမ်းထက်သည်ဟု မခံစားရသော်လည်း ကျွန်ုပ်တို့သည် ယုံကြည်ကိုးစားခြင်း၌ လုပ်ဆောင်သောအခါ ကျွန်ုပ်တို့ မအောင်မြင်နိုင်သောအရာ မရှိပါ။ ကျွန်ုပ်တို့၏ ယုံကြည်ကိုးစားခြင်းတန်ခိုးသည် လောကီကမ္ဘာကြီးကို ဒူးထောက်ရန် စွမ်းဆောင်နိုင်စွမ်းရှိသည်။ (၁ယော၊ ၅း၄)

ရှင်မဿဲခရစ်ဝင်ကျမ်း အခန်းကြီး (၈) တွင်၊ ယုံကြည်ကိုးစားခြင်း ကြီးစွာရှိသူတစ်ဦး၏ ပုံသက်သေကို ပြထားသည်။ ရောမတပ်မှုးတစ်ဦးသည် ယေရှုထံသို့ လာ၍ သူ၏ ကျွန်ကို ကုသရန် တောင်းလျှောက်၏။ ယေရှု​က သူ့​အိမ်​ကို​သွား​ဖို့ သဘောတူ​တဲ့​အခါ တပ်​မှူး​က မလိုက်လာရန် ပြော​သည်။ ယေရှု၏ နှုတ်ထွက်စကားဖြင့် သူ၏ ကျွန် ပြန်၍ကျန်းမာလာနိုင်ကြောင်း ပြောသည်။

ယေရှုသည် ဤမျှလောက်ကြီးမားသော ယုံကြည််ကိုးစားခြင်းကို တစ်ခါမျှ မမြင်ဖူးကြောင်း အံ့ဩပြီး လူတိုင်းကို ပြောပြခဲ့သည်။ သခင်ယေရှုတွင် သူ့နောက်တော်သို့လိုက်သော ဝန်းကျင်တွင် လူများစွာ၊ အံ့ဖွယ်အမှုများများစွာ ပြုလုပ်သည်ကို မြင်သောသူများစွာ၊ စိတ်နှလုံးအကြွင်းမဲ့ ယုံကြည်သောသူများစွာ ရှိသော်လည်း သူနှင့် တစ်ကြိမ်သာတွေ့ဖူးသော သူသည် အကြီးမားဆုံးသော ယုံကြည်ခြင်းရှိသည်ဟု ပြောခဲ့သည်။

ကြီးမြတ်သောယုံကြည်ခြင်းကို မည်သို့ရရှိသနည်း။ သမ္မာကျမ်းစာ၏ အခန်းကြီး (၁၀၀) လောက် ဖတ်ခြင်းဖြင့်ရရှိနိုင်ပါသလား။ နေ့တိုင်း နာရီပေါင်းများစွာ ဆုတောင်းခြင်းဖြင့် ရရှိနိုင်ပါသလား။ တစ်ပတ်ကို အကြိမ်ပေါင်းများစွာ ဘုရားရှိခိုးကျောင်းသွားခြင်းဖြင့် ရရှိနိုင်ပါသလား။ မဟုတ်ပေ။ ဘုရားကျောင်းသွားခြင်း၊ သမ္မာကျမ်းစာဖတ်ခြင်းနှင့် ဆုတောင်းခြင်းတို့သည် ကျွန်ုပ်တို့ ပုံမှန်ပြုလုပ်သင့်သည့် အံ့သြဖွယ်ကောင်းသောအရာများ ဖြစ်သော်လည်း ၎င်းတို့သည် ကျွန်ုပ်တို့၏ ယုံကြည်ကိုးစားခြင်းမည်မျှရှိသည်ကို ညွှန်ပြခြင်း မဟုတ်ပေ။

ကြီးမြတ်သော ယုံကြည်ကိုးစားခြင်းသည် ဘုရားသခင်၏ နှုတ်ကပတ်တော်ကို ကြားနာခြင်း၊ သမ္မာတရားကို ယုံကြည်ခြင်းနှင့် ကျွန်ုပ်တို့ကြားသည့်အရာကို လုပ်ဆောင်ခြင်းဖြင့် ရရှိလာပါသည်။ ခက်ခဲတဲ့အချိန်များတွင် ကျွန်ုပ်တို့၏ တုံ့ပြန်မှုများက ကျွန်ုပ်တို့၏ စစ်မှန်သော ယုံကြည်မှုကို စမ်းသပ်ခြင်းပဲ ဖြစ်သည်။ (ယာ၊ ၂) က၊ ချစ်လှစွာသော ညီအစ်ကို မောင်နှမတို့၊ သင်သည် ယုံကြည်ကိုးစားခြင်းရှိသော်လည်း သင်၏ အကျင့်အားဖြင့် မပြဘဲနေလျှင် အဘယ်အကျိုးရှိသနည်း။ ထိုယုံကြည်ကိုးစားခြင်းက ကျွန်ုပ်တို့ကိုကယ်တင်နိုင်သလားဟု ဆိုသည်။

ဘုရားသခင်သည် ကျွန်ုပ်တို့၏ လိုအပ်ချက်အားလုံးကို ဖြည့်ဆည်းပေးမည်ဟု ယုံကြည်ပါက၊ သူမည်သို့လုပ်ဆောင်မည်ကို ကျွန်ုပ်တို့မသိသော်လည်း၊ ထိုအပေါ် ဖိစီးမည့်အစား သူ၏ ကတိတော်၌ အနားယူရန် ရွေးချယ်မည် ဖြစ်သည်။ ကိုယ်တော်သည် ကျွန်ုပ်တို့ကို ဘယ်သောအခါမှ စွန့်ပစ်မည်မဟုတ်ကြောင်း ကျွန်ုပ်တို့ ယုံကြည်ပါက၊ ကျွန်ုပ်တို့သည် ဒုက္ခကြုံရချိန်၌ ကိုယ်တော်၏ မျက်မှောက်တွင် နှစ်သိမ့်မှုရှာရန် ရွေးချယ်မည် ဖြစ်သည်။ ကျွန်ုပ်တို့သည် ဘုရားသခင်ကို ယုံကြည်ပါက၊ ကျွန်ုပ်တို့သည် ကြောက်ရွံ့ခြင်းထက် ယုံကြည်ကိုးစားခြင်းရှိရန် ရွေးချယ်မည် ဖြစ်သည်။

ကျွန်ုပ်တို့ယုံကြည်သောအရာသည် ကျွန်ုပ်တို့၏ အပြောအဆိုနှင့် လုပ်ဆောင်ချက်များနှင့် ကိုက်ညီသောအခါတွင် ကျွန်ုပ်တို့သည် ကြောက်ရွံ့မှု၊ ပူပန်မှုနှင့် စိုးရိမ်မှုများကို ကျော်လွှားရန် လိုအပ်သည့် စွမ်းအား ရှိသည်။ ဘဝတွင် မည်သို့ပင်ဖြစ်ပါစေ၊ ကျွန်ုပ်တို့၏ ယုံကြည်ကိုးစားခြင်းကို ခိုင်ခံ့စေပြီး ကျွန်ုပ်တို့၌ရှိသော ယေရှုသည် ဤလောကကို အောင်နိုင်နေပြီဟူသောအချက်ကို ယုံကြည်စိတ်ချနိုင်သည် ။