သခင်ယေရှုနှင့် စတင်မိတ်သဟာယဖွဲ့ခြင်းနမူနာ

"မေးခွန်းများ

ဆက်ဆံရေးနယ်ပယ်တွင်ထူးချွန်သူများသည်အများအားဖြင့်မကြာခဏအကောင်းဆုံးမေးခွန်းတချို့မေးသူတွေဖြစ်ကြပါသည်။ ဤနေရာတွင် ဘုရားသခင်သည်ကျွမ်းကျင်ပိုင်နိုင်သူဖြစ်ပါသည်။

ဘုရားသခင်၏နက်နဲသိမ်မွေ့သောမေးခွန်းအချို့ကိုကြည့်ပါ။

သင်သည်အဘယ်မှာရှိသနည်း။ (ကမ္ဘာဦး 3: 8-9)

ဘုရားသခင်သည်သမ္မာကျမ်းစာအစမှစတင်၍သူ၏စရိုက်လက္ခဏာကို သူနှင့် အာဒံ၊ ဧဝတို့၏ကြားတွင်ရှိသော ယုံကြည်စိတ်ချခြင်း၊ ပွင့်လင်းမြင်သာမှုရှိခြင်း၊ နေ့စဉ်ထိတွေ့သည့်ဆက်ဆံရေးအားဖြင့်ပြသခဲ့ပါသည်။

ကမ္ဘာဦး 3 တွင် အာဒံနှင့်ဧဝ ဘုရားသခင်စကားကိုနားမထောင်ဘဲ ဘုရားမပါတဲ့ဘဝမှာနေထိုင်ဖို့ရွေးချယ်တာကို ဖတ်ရပါတယ်။ ဆက်ဆံရေးပျက်ဆီးသွားတဲ့အချိန်မှာ ဘုရားသခင်က အာဒံနဲ့ ဧဝ ကိုလာရှာပါတယ်။ ဘုရားက သူတို့ ၂ယောက်ကို အရှက်ခွဲဖို့၊ ဒဏ်ခတ်ဖို့လာတာမဟုတ်ဘဲ ပျက်ဆီးသွားတဲ့ဆက်ဆံရေးကိုပြန်လည်တည်ဆောက်ဖို့လာတာပါ။

ဘုရားသခင်ကသင့်ဘဝကိုလမ်းညွှန်နေတယ်လို့ခံစားရပြီဆိုရင် သင်ဟာလည်း ဘုရားသခင်ရှာနေတဲ့လူတစ် ယောက်ဖြစ်လို့ သင့်အနေနဲ့သူ့ကိုသိပြီးသူနဲ့ရင်းနှီးကျွမ်းဝင်လာမှာပါ။

သင် ဘာလိုချင်သလဲ။ (ယောဟန် 1: 35-39)

ယောဟန် ၁ မှာ သခင်ယေရှုကလူတစ်ချို့ကို ဘုရားသခင်ရဲ့မေးခွန်းလိုမေးတာတွေ့ရပါတယ်။ သင်တို့ဘာလိုချင်သလဲ လို့သူတို့ကိုမေးပါတယ်။ (ယောဟန် 1:38)

အဲဒီလူတွေက မေးခွန်းကိုမဖြေဘဲ သခင်ယေရှုကို သင်ဘယ်မှာနေသလဲ ဆိုပြီးကြောင်းအရာကိုပြောင်းလဲပြောဆိုကြပါတယ်။ သခင်ယေရှုက လိပ်စာတိအကျပြောပြတာထက် လာပြီးကြည့်ပါ (ယော 1:39) ဆိုပြီးဖြေခဲ့ပါသည်။ အဖြေကိုတိုက်ရိုက်ပေးခြင်းထက် ဖိတ်ခေါ်မှုကိုပေးခဲ့ပါတယ်။

မကြာခဏဆိုသလို ဘုရားသခင်ကကျွန်တော်တို့ကို "ငါမင်းနဲ့အတူရှိချင်တယ်" လို့ပြောနေတဲ့အချိန် ကျွန်တော်တို့က ဘုရားသခင်ကို "ဘုရားသခင်ဆီကတစ်ခုခုလိုချင်တယ်" လို့ပြောနေတတ်ကြတယ်။

ငါဘယ်သူလို့ထင်လဲ (မဿဲ 16: 13-15)

ခရစ်ယာန်ဘာသာဆိုတာ ဒီနေရာမှာစတင်လာပါတယ်။ အဲဒီမေးခွန်းကိုဖြေတဲ့သင့်အဖြေ က