မိမိဝမ်းမြောက်ခြင်းကို ပြန်လည်ရယူပါနမူနာ

ပျော်ရွှင်စွာ နေလိုက်ပါ

(သတိ၊ ၆း၁၇) ကို ဖတ်ရှုပါ။

ယခုအချိန်ိမှာ၊ မိတ်ဆွေသည် ငွေရေးကြေးရေးအခက်အခဲအားဖြင့် စတ်ဖိစီးမှုကို ရှိကောင်းရှိနိုင်ပါသည်။ သို့သော်၊ ဘုရားသခင်သည် မိတ်ဆွေကို ပျော်ရွှင်စေချင်သည်။

ခရစ်ယာန်အနေနှင့် မိမိဩတ္တပ္ပစိတ်သည် သန့်သောကြောင့် ပျော်ရွှင်စွာ နေနိုင်သည်။ မိတ်ဆွေသည် ဘုရားသခင်၏ မဟာမေတ္တာတော်၌ လုံလုံခြုံခြုံ တည်နေသောကြောင့် ဝမ်းမြောက်စွာ နေနိုင်သည်။ မိမိအသင်းတော်၌ ပျော်ပျော်ရွှင်ရွှင် ပါဝင်နိုင်သည်။ မိမိဓမ္မမိတ်ဆွေများသည် ပရိယာယ်ပြုလိုသောသဘော မရှိဘဲ အရှင်ယေရှုဘုရားကဲ့သို့ ပိုမိုဖြစ်စေခြင်းငှာ ကြိုးစားအားထုပ်လျက် မိတ်ဆွေ၏ အကျိုးကို ရှာသောကြောင့် စိတ်ချစွာ မိတ်ဖွဲ့နိုင်သည်။

သို့ရာတွင်၊ ဘုရားသခင်သည် မိမိပျော်ရွှင်ခြင်းကို အလကားရုပ်သိမ်းလိမ့်မည်ဟု လူတချို့ မှားယွင်းစွာ ယူဆနေသောကြောင့် ကိုယ်တော်ကို စွန့်ပစ်နေကြသည်။ ထိုသူတို့သည် ခရစ်ယာန်အသက်တာအား အလွန်ပျင်းဖို့ကောင်းပြီး ဘုရားဝတ်၌ မွေ့လျော်ခြင်းသည် ပျော်ရွှင်ခြင်းကင်းသောအရာဖြစ်သည်ဟု မောဟစိတ်ဖြင့် တွေးနေကြသည်။

လောကီသားများသည် လောကီပျော်ရွှင်ခြင်းကို ရှာဖွေပေမဲ့ ၎င်းလောကီပျော်ရွှင်ခြင်းသည် ခေတ္တခဏ တည်စေသည်။ ထိုသူတို့သည် မမြဲသော လောကီပျော်ရွှင်ခြင်းကို ရစေခြင်းငှာ မိမိအချိန်၊ မိမိပိုက်ဆံနှင့် မိမိအစွမ်းသတ္တိတို့ကို ဖြုန်းတီးလျက် ကျွန်တော်တို့က ပျော်ရွှင်နေပြီလားဟု မကြာခဏ မေးတတ်ကြသည်။

သမ္မာတရားကား၊ ငါတို့ခံစားဖို့ရာ အလုံးစုံတို့ကိုကြွယ်ဝစွာ ပေးသနားတော်မူသော၊ အသက်ရှင်တော်မူသော ဘုရားသခင်ကို ကိုးစားရမည် (၁တိ၊ ၆း၁၆ခ)။

ဘုရားသခင်သည် မိတ်ဆွေကို ပျော်ရွှင်စေချင်သည်။