Хаврын үр: Эмэгтэйчүүдэд зориулсан 40-хоногийн аялалЗагвар

Цэцэрлэгтээ Үр тарих ба Арчилж тордох ⏎ ⏎ ҮНЭНИЙ ҮР⏎Ефес 5:6-10-г унш.
Паул таньд юу хийх зааварчилгааг өгч байна вэ? Та урьд нь харанхуй, гэм дотроо үхсэн, уур хилэнгийн хүүхэд, Бурханы дайсан, дуулгаваргүй, ариун бус-гэх мэтээр жагсаавал дуусашгүй, тийм нэгэн байсан. Гэвч одоо бол та гэрэл; та Христийн дотор ба Тэр таны дотор оршдог. Есүс Өөрийн биеэр таны дотор оршдогын адил амьдрахыг Паул бидэнд хэлж байна.

ҮРИЙГ ТАРИХ⏎Өнөөдрийн гол ишлэлийг чимээгүйхэн өөртөө дахин давтан хэл. Зүрхэндээ үүнийг нууж мөн үүнийг өдрийн турш тунгаан бод.⏎⏎Ефес 5:8,10⏎"Учир нь та нар урьд нь харанхуй байсан. Харин одоо та нар Эзэн дотор гэрэл ажээ. Гэрлийн хүүхдүүд шиг яв."

ҮРИЙГ УСЛАХ⏎Ариун Сүнс таны дотор бас таньтай хамт байгаа. Итгэхэд бас санаж явахад хичнээн хэцүү ч гэсэн Галат 2:20 бол маш үнэн, та бол Христтэй хамт цовдлогдсон бөгөөд Амьд байгаа нь та биш, харин таны дотор Христ амьд байна. Бид гэрлийн хүүхдүүд шиг гэрэл дотор явах, өдөр бүр өсөх улмаар Түүнтэй улам илүү адил болох ёстой.

Гэрэл байна гэдэг нь ямар утгатай болох талаар бодож үз. Таныг өнөөдөр гэртээ эсвэл ажил дээрээ үнэн бас гэрэл байхад туслахыг Эзэнээс залбирч гуй. Ямархуу байхыг төсөөлөөд үз. Та хэрхэн улам илүү тодоор гэрэлтэх боломжтой вэ? Та хэрхэн бүдэгээр гэрэлтэх боломжтой вэ? Бид үүнийг өөрсдийн хүчээр хийж чадахгүй. Бурханд юу таалагддагыг олж мэдэхийг Паул бидэнд хэлсэн. Паул бидэнд туслахыг хичээж байна. Хэрэв бид анхааралтай сонсож зорих юм бол, бид Бурханы ивээлээр сурсан зүйлээ зүрхэндээ нандигнан, улмаар өдөр бүрийнхээ амьдралд хэрэгжүүлэхийг хичээх болно. Үүнийг хийх үед бид гэрлийн хүүхдүүдийн адил алхах болно.

ҮР ЖИМС ГАРГАХ⏎Гэрлийн хүүхдүүд шиг яв.⏎⏎ЗАЛБИРЛААР ДУУСГАХ⏎Зүрхэнд чинь өнөөдөр суулгагдсан үр бүрийг ургуулж өгөхийг Эзэнээс гуй.