Чин зоригтон: 6 долоо хоногийн аялал Загвар

ДОЛОО ХОНОГ 3: Эзэн минь, би бол сул дорой нэгэн

ТҮҮНИЙ ҮГИЙН УС
Матай 5:6 болон 2 Тимот 3:3-9-г унш.

Бид эцсийн өдрүүдэд амьдарч буй. Бидний амьдарч буй үеийн талаар хэлсэн Паулын үгс үнэхээр үнэн. Паулын хэлсэнчлэн таны талаар үнэн хэвээр байгаа эсвэл хааяахан таны тэмцэлддэг зүйлс юу байна вэ?

Галат 5-р бүлгийг унш. Бид ядуу бас сул дорой хүмүүс. Христээс тусгаарлагдмал байдлаар бидний амьдрал дахь Бурханы төлөвлөгөөг бид биелүүлэх чадваргүй. Бид хоёр хүчний дотор оршдог (Колоссай 3:1-17), шинэчлэгдсэн бидний эсрэг хуучин хүн маань, махан биеийн эсрэг Ариун сүнс. Гэм нүгэл хэмээх үхлийн вирус биднийг ялзруулсан бөгөөд тулаан төгсгөл хүртэл өрнөх болно. Ялзарсан хуучин хүнийхээ хүслээр бид амьдрахыг хүсэхгүй байна. Бурханы талаарх үзэл болон дэлхийн талаарх бидний ялзарсан үзэл маань Түүнийг дагахаас айхад, ямар нэгэн муу зүйл тохиолдох вий гэж айхад, эсвэл бусад хүмүүс биднийг юу гэж бодох бол гэж айхад биднийг хүргэдэг.

Бид айдсын дагуу бус харин итгэлээр амьдрахыг хүсэх хэрэгтэй! Бид хуучин хүнийхээ шунал тачаал болон хүслүүдийг бус харин Ариун сүнсний хүслийн дагуу амьдрах ёстой. Айх зүйлгүйгээр дагахад танд саад болж буй ямар нэгэн гэм нүгэл байгаа бол тэдгээрийг илчлэн харуулахыг Бурханы Ариун Сүнснээс гуйн залбир! Тэр гэмийнхээ төлөө гэмшиж, түүнээсээ эргэ. 1 Иохан 1:9, Бид нүглээ улайвал итгэмжит, зөвт Тэрээр нүглийг маань уучилж, бүхий л зүй бусаас биднийг цэвэрлэнэ хэмээн бидэнд хэлдэг. Тэгээд бид дахин гэм хийхгүй явах ёстой!

ЗҮРХ СЭТГЭЛИЙН МЭЛМИЙГЭЭ ТӨВЛӨРҮҮЛ
Өнөөдрийн гол эшлэлийг чимээгүйхэн өөртөө дахин давтан хэл. Зүрхэндээ түүнийг нууж, тунгаан бод, бас өдрийн туршид үүнийг залбирлаа болго.

Матай 5:3-5
Сүнсэндээ ядуус ерөөлтэй еэ! Тэнгэрийн хаанчлал тэднийх юм. Гашуудагсад ерөөлтэй еэ! Тэд тайвшрал авах болно. Дөлгөөнчүүл ерөөлтэй еэ! Тэд дэлхийг өвлөх болно.