Сүнслэг сахилгажуулалтын талаар судлахЗагвар

МАЦАГ БАРИХ СҮНСЛЭГ САХИЛГАЖУУЛАЛТ

БУРХАНД ХАНДАН ЗАЛБИРАХ
Өдөр бүрийн хэрэгцээг тань хангаж байдгынх нь төлөө Бурханд таларх. Бурханы өгөөмөр байдлыг улам илүүгээр олж хардаг байхад тань туслахыг Ариун Сүнснээс гуйн залбир.

ШУМБАХ
Дараах төрлүүдийг өөр өөр цаасан дээр бич: сургуулийн дараах үйл ажиллагаанууд, тоглоом эсвэл электрон төхөөрөмж, идэх дуртай зүйл, уух дуртай ундаа, үзэх дуртай хөтөлбөр. Нугалсан цааснуудыг аяган дотор хий. Аяганаас цаасыг ээлжлэн сугал, тэгээд сугалсан зүйлийнхээ төрлийг чангаар унш, тэр төрөл дэх хамгийн дуртай зүйлээ нэрлэ. Хэсэг хугацаанд тэр зүйлээсээ татгалзах нь ямар хэцүү эсвэл амархан байх талаар хоорондоо ярилц.

ГҮН ШУМБАХ
Мацаг барих гэж тодорхой төлөвлөсөн хугацааны туршид дуртай эсвэл хэрэгцээтэй зүйлсээсээ татгалзахыг хэлдэг. Хуучин Гэрээнд, Бурханы тусламж эсвэл чигийг эрэлхийлж бүхэл бүтэн үндэстний хийдэг зүйл бол мацаг барилт байдаг байсан. (2 Шастир 20:3, Иона 3:5) Шинэ Гэрээнд, Есүс Өөрөө мацаг барьсан (Матай 4:2) бөгөөд Өөрийнхөө дагалдагчдад хэрхэн мацаг барихыг заасан байдаг (Матай 6:17-18). (Мацаг барилт нь хүүхдүүд эсвэл жирэмсэн эмэгтэйчүүдэд тийм ч тохиромжтой зүйл биш. Үүний оронд тэд өөрсдийнхөө үнэхээр дуртай эсвэл хайртай зүйлээсээ татгалзах байдлаар мацаг барих боломжтой.) Мацаг барилт нь бидний амьдралын энгийн л байдаг нэгэн хэсэг байх ёстой; энэ нь өөрийнхөө цаг зав болон анхаарлыг Бурханд төвлөрүүлэх боломжийг танд олгодог. Залбирал болон Бурханы Үгэнд цаг гаргахтай хослуулах үед мацаг барилт нь таны итгэлийг хүчирхэгжүүлдэг бөгөөд Бурханы хүчинд улам илүү итгэж найддаг нэгэн болоход танд тусладаг.

БИЕ БИЕТЭЙГЭЭ ЯРИЛЦАХ
- Мацаг барихын үр ашиг нь юу байдаг вэ?
- Мацаг барилт нь таныг Бурхан руу хэрхэн ойртуулдаг вэ?
- Өнөөдөр таны татгалзаж чадах зүйл юү байна вэ?