Хүсэн хүлээх Христ мэндэлсэн баяр: 5 өдрийн Адвент төлөвлөгөөЗагвар

Бүхнээс агуу бэлэг

Дэлхийд Бурхан Өөрийн Хүүгээ илгээгээгүй байсан бол таны амьдрал ямар байх байсан бол гээд төсөөлөөд үз дээ. Бурхантай холбогдох эсвэл Бурханы амлалтуудаас гадна орших мэдрэмж ямар байх бол гээд бодоод үз дээ. Ирээдүйгээ харах өнцөг, өөрийгөө мэдрэх мэдрэмж, таны нөхөрлөлд хэрхэн нөлөөлөх байсан бол гээд бодоод үз дээ. 

Христ мэндэлсэн баярын амлалтгүйгээр энэ нь хэзээ ч бодит үнэн болох боломжгүй. 

Есүсийн төрөлт нь хүн төрөлхтнийг гэсэн Бурханы хязгааргүй хайрын биет илэрхийлэл байсан. Бурхан Өөрийн Хүүгээ бидэнтэй хамт байлгахаар илгээсэн учраас бид Аврагчаасаа тусдаа амьдралыг хэзээ ч мэдрэх шаардлагагүй юм.

Бид таныг энэ цаг үед хэрхэн завгүй, хүнд хэцүү байгаагаасаа үл хамааран Бурханы цэвэр ариун хайранд бялхахыг урьж байна. Есүсийн төрөлтийн жинхэнэ утга юу болохыг тунгаах цаг гаргаасай гэж хүсэж байна. Тэгээд бэлэн болсон үедээ, доорх залбирлын дагуу залбираарай.

Хайрын Залбирал:

Бурхан минь, 

Би Таныг хайрлахаас өмнө, миний төлөө Өөрийн Хүүгээ өгөн намайг маш ихээр хайрласны төлөө Танд талархъя.

Христ мэндэлсэн баяр яагаад чухал болохыг Таны нигүүлсэл, тууштай хайраар ойлгох боломжтой билээ. 

Христ мэндэлсэн баярын өмнөх өдрүүдэд Таны Хүүгийн бэлгийг эргэцүүлэн бодохыг надад сануулаач.

Та намайг хайрласан шиг бусад хүнийг хайрладаг нэгэн болгож намайг өөрчлөөч. 

Айдсыг зайлуулдаг Таны төгс хайрын дотор хэрхэн үргэлжлүүлэн алхахыг надад харуулаач.

Эзэн минь би Танд хайртай.

Есүсийн нэрээр залбирлаа,

Амен.