Хүсэн хүлээх Христ мэндэлсэн баяр: 5 өдрийн Адвент төлөвлөгөөЗагвар

Бидний өмнөх баяр хөөр

Тэд одыг хараад, үлэмж баяр хөөрөөр бялхав. Тэгээд гэрт орж, эх Мариагийнхаа хамт буй хүүхдийг хараад, сөгдөн Түүнд мөргөж, эрдэнэсийн хайрцгаа нээгээд алт, гүгэл, миррийг бэлэг болгон өргөв. Maтай 2:10-11 АБ2013

Баяр хөөр: Бурхан бүхнийг удирдаж, бидний сайн сайхны төлөө болон Түүний алдрын төлөө бүх зүйл хамтдаа ажилладаг гэсэн магтаалаар дүүрэн баталгаа юм.

Христ мэндэлсэн баяр дөхөхөд баяр хөөрийг мэдрэхэд хэцүү байж болно. Амралтын өдрүүд бухимдалтай, завгүй, ганцаардмал, дарамттай байж болох юм. 

Есүсийн ирэлтийг төлөөлж буй баяр хөөр нь түр зуурын эсвэл нөхцөлтэй биш юм. Энэ бол өөрчлөгдөшгүй, хөдлөшгүй юм. Энэ бол дэлхийн ханыг хөдөлгөх баяр хөөр юм.

Есүсийн төрөлт хэний ч таамаглаж байсан хааны ирэлт байсангүй. Гэсэн хэдий ч энэ нь бүх зүйлийг өөрчилсөн. Нүд ирмэх зуур Бурханы Хүү бидэнтэй хамт болсон бөгөөд 2000 жилийн дараа ч бидний цуцсан дэлхий баяр хөөртэй байсаар байна.

Өнөөдөр бид таныг Есүсийн мэндэлсэн гайхамшигт баярлан цэнгэхийг урьж байна. 

Баяр хөөрийн залбирал:

Есүс ээ, 

Та Иммануэл, бидэнтэй хамт байдаг Бурхан болсонд тань талархъя. Та байгаа учраас би жинхэнэ баяр хөөрийг мэдэрдэг.

Та бол бүх алдар, хүндлэл, хүч чадлыг хүртэх зохистой Нэгэн. Би юутай ч нүүр тулсан хамаагүй, Таныг магтахыг сонгох болно.

Та үзэсгэлэнтэй бөгөөд мөнхийн зүйлийг бүтээж байгааг мэдэж байгаа учраас сорилт бэрхшээлийг даван туулахдаа үүнийг баяр хөөр гэж бодоход туслаач.

Бурхан минь, Таны нөмөрт хоргодож, баяр хөөртэй байхыг надад сануулаач. Таны тайвшруулал надад шинэчлэгдсэн баяр хөөр, итгэл найдварыг өгдөг билээ. Таны оршихуй бол баяр хөөрөөр дүүрэн! 

2000 гаруй жилийн тэртээд Та даруухнаар ирсэн учраас Таны оршихуйн баяр хөөрийг үүрд мэдрэх боломжтой болсон. Тандаа талархъя.

Есүсийн нэрээр залбирлаа, 

Амен.